Sreeleela : సినీ పరిశ్రమలో ఎప్పుడు, ఎవరు, ఎలా విజయం సాధిస్తారో ప్రత్యేకంగా చెప్పనక్కర్లుదు. కొందరు సాదా సీదాగా పరిశ్రమలోకి వచ్చి పెద్ద స్టార్ అయిపోతారు. తెలుగు సినీ పరిశ్రమలోని హీరోయిన్లలో ప్రస్తుతం శ్రీలీల ట్రెండ్ నడుస్తోంది. ప్రతి హీరో తమ పక్కన నటించడానికి శ్రీలీలే కావాలంటూ డైరెక్టర్లకు సిఫార్సు చేస్తూ ఈ అమ్మడు వరుస ఆఫర్స్ అందిపుచ్చుకుంటుంది. టాలీవుడ్ లో ఎక్కడ విన్నా ఆమె పేరే వినపడుతోంది. పెళ్లిసందD సినిమాద్వారా టాలీవుడ్ లోకి మెరుపులా దూసుకువచ్చిన ఈ అమ్మడు ఆరోజు నుంచి ఈరోజు వరకు వెనుతిరిగి చూడాల్సిన అవసరమే రాలేదు. స్టార్ హీరోలందరి సరసన నటిస్తూ బిజీగా ఉంటోంది.
తండ్రీకూతుళ్ల అనుబంధం ప్రధానంగా రూపొందిన భగవంత్ కేసరి సినిమాలో శ్రీలీల, కాజల్ అగర్వాల్ నటించారు. బాలకృష్ణ కూతురుగా.. శ్రీలీల కనిపించింది. అలాగే ప్రియురాలి పాత్రలో కాజర్ అగర్వాల్ తెగ సందడి చేస్తోంది. యాక్షన్ తో పాటు ఎమోషన్ పాళ్లు ఎక్కువగా ఉన్న ఈ సినిమాపై కొందరు తమకు నచ్చినట్లుగా మాట్లాడుతున్నారు. ముఖ్యంగా ఈ సినిమాలో గ్లామరస్ బ్యూటీ శ్రీలీలను పెట్టుకొని ఆమె అందాన్ని పెద్దగా హైలెట్ చేయలేకపోయారని, అలాగే ఆమెతో మాంచి మాస్ స్టెప్పులు కూడా వేయించలేరని అన్నారు. ఇక శ్రీలీల నటించి ఆదికేశవ చిత్రం త్వరలో ప్రేక్షకుల ముందుకు రానుంది. ప్రమోషన్స్ లో శ్రీలీలా కూడా పాల్గొంది. ఈ సినిమాలో తొలిసారిగా తన పేరుపై విడుదల చేసిన సాంగ్ ను ప్రమోట్ చేస్తోంది.
అయితే ప్రమోషన్లో భాగంగా ఓ షూటింగ్ స్పాట్ లో కొందరు వృద్ధులతో శ్రీలీలా చేసిన డాన్స్ వైరల్ గా మారింది. ఈ సాంగ్ అంటే తనకెంత ఇష్టమో ఇటీవల చెప్పిన విషయం తెలిసిందే.ముసలాడైనా తన డాన్స్ చూస్తే స్టెప్పులేయాల్సిందేనని అనిపించిందని చెబుతూ, ఆ వీడియోను తన ఇన్ స్టా హ్యాండిల్ ద్వారా పంచుకుంది శ్రీలీల. అభిమానులు లీలమ్మ క్రేజ్ మాములుగా లేదుగా అంటూ స్పందిస్తున్నారు. అటు చదువుకుంటూ ఇటు సినిమాలు చేస్తున్న శ్రీలీల ఇండస్ట్రీలో తెగ సందడి చేస్తుంది.
