Sekhar Master : ప్రముఖ కొరియోగ్రాఫర్ శేఖర్ మాస్టర్ గురించి తెలియని తెలుగు ప్రేక్షకులు అంటూ ఉండరు. టాలీవుడ్ లో ఎందరో స్టార్ హీరోలకు ఆయన ఫేవరెట్ కొరియోగ్రాఫర్. స్టెప్పులతో వెండితెరపై, పంచ్లతో బుల్లితెరపై వినోదాన్ని పంచుతారు. అందుకే టాలీవుడ్లో ఏ కొరియోగ్రాఫర్కు లేని క్రేజ్, ఫ్యాన్ ఫాలోయింగ్ శేఖర్ మాస్టర్ సొంతం చేసుకున్నారు. ఒకవైపు సినిమాల్లో డాన్స్ కంపోజ్ చేస్తూ హిట్స్ ఇస్తూనే, మరోవైపు బుల్లితెరపై పలు షోలలో జడ్జిగా వ్యవహారిస్తున్నాడు శేఖర్ మాస్టర్.
బ్యాక్ గ్రౌండ్ డాన్సర్ గా తన కెరీర్ మొదలు పెట్టి కొన్ని సంవత్సరాలు బ్యాక్ గ్రౌండ్ డాన్సర్ గా, అసిస్టెంట్ డాన్స్ మాస్టర్ గా పనిచేసి ప్రస్తుతం కొరియోగ్రాఫర్ గా టాప్ పొజిషన్ లో ఉన్నారు. ఈటీవీలో వస్తోన్న ఢీ డాన్స్ ప్రోగ్రామ్ ద్వారా శేఖర్ మాస్టర్ మంచి గుర్తింపును సంపాదించుకున్నారు. ఢీ షోలో మొదట జడ్జిగా కొనసాగుతూ అప్పుడప్పుడూ జబర్దస్త్ షోలలో కూడా జడ్జిగా వ్యవహరించారు.
ఈటీవీలో ప్రసారమయ్యే ఢీ షోలో మొదట కంటెస్టెంట్ గ్రూప్ డాన్సర్ గా ఉన్న సమయంలోనే ఢీ షోలో పాల్గొన్నారు. ఇక మొదట ప్రయత్నంలో విన్నర్ అవకపోవడంతో నిరాశ కలిగించింది. మళ్ళీ ఢీ ఐదో సీజన్ లో పాల్గొని విజేతగా నిలిచారు శేఖర్ మాస్టర్. సుధీర్ బాబు నటించిన ఎస్ఎంఎస్ సినిమాలో మొదటిగా అవకాశం సంపాదించుకున్నారు. ఆ తరువాత అల్లు అర్జున్ నటించిన జులాయి సినిమాతో మంచి ఆఫర్స్ అందుకుని కెరీర్ లో దూసుకెళ్లాడు. ఇక పార్టిసిపెంట్ గా వచ్చిన ఢీ షోలోనే జడ్జిగా ఎంట్రీ ఇచ్చాడు. ఢీ షోలో చాలా సీజన్స్ కి జడ్జిగా కొనసాగిన శేఖర్ మాస్టర్ ప్రస్తుతం ఈటీవీ నుండి వెళ్ళిపోయి మాటీవీ లో ప్రసారమయ్యే కామెడీ స్టార్స్ షోలో నాగబాబుతో కలిసి జడ్జిగా వ్యవహరిస్తున్నారు.
ఇటీవల ఒక ఇంటర్వ్యూలో ద్వారా శేఖర్ మాస్టర్ తన వ్యక్తిగత విషయాలను పంచుకున్నారు. ఢీ షో నుండి తప్పుకోడానికి కారణాలను చెబుతూ ఓంకార్ తో మంచి అనుబంధం ఉండటం వలన ఆయన అడిగారని కామెడీ స్టార్స్ కి జడ్జిగా వ్యవహరిస్తున్నాను. కొన్ని రోజుల తర్వాత చిన్న సమస్య వల్ల ఢీ షో నుంచి దూరం అవ్వడం జరిగింది. మాటీవీలో కామెడీ స్టార్స్ ప్రోగ్రాంకి అగ్రిమెంట్ చేశాను. ఈ అగ్రిమెంట్ అవగానే మళ్లీ ఢీ షోలో పాల్గొంటాను. ఢీ షో నాకు పుట్టినిల్లు వంటిది. ఇప్పుడు ఈ స్థాయిలో ఉన్నానంటే అది ఢీ షో వలనే జరిగింది అని శేఖర్ మాస్టర్ తన అభిప్రాయాన్ని వెల్లడించారు.
జబర్దస్త్, ఢీ లలో అప్పుడప్పుడూ పండగ ఈవెంట్ లో సందడి చేస్తూ, రోజా, అనసూయ, రష్మిలను ఆటపట్టిస్తూ సందడి చేసేవారు శేఖర్ మాస్టర్. ఒకసారి ఓ పాటకు శ్రీముఖితో కలిసి డాన్స్ చేస్తుంటే అనుకోకుండా తాను నాకు ముద్దు పెట్టేసింది. ఇక ఈ సంఘటన సోషల్ మీడియాలో బాగా వైరల్ అయింది. అసలు ఆ ముద్దులకు నాకు ఎలాంటి సంబంధం లేదు. శ్రీముఖి పాటలో అలా అనుకోకుండా చేసేసిందని శేఖర్ మాస్టర్ ఇంటర్వ్యూలో చెప్పుకొచ్చారు.
