Naga Chaitanya : బ్యూటిఫుల్ కపుల్ నాగ చైతన్య, సమంత విడిపోయి 9 నెలలు గడుస్తున్నా ఇప్పటికీ వారిద్దరూ ఏదో ఒక విధంగా వార్తల్లో నిలుస్తూనే ఉన్నారు. ఎంతో హంగూ ఆర్భాటాలతో పెళ్లి చేసుకున్న ఈ జంట చూడ ముచ్చటగా ఉందని అందరూ ఆకాశానికి ఎత్తేశారు. ఆ తరువాత 4 ఏళ్లకే 2021 అక్టోబర్ లో విడాకులు తీసుకున్నారు. ఇక అప్పటి నుండి వారిద్దరూ మీడియాకి ఎన్నో ఇంటర్వ్యూలు ఇచ్చినప్పటికీ తాము విడిపోవడానికి కచ్చితమైన కారణాలు మాత్రం ఇంత వరకు ఎవరూ పంచుకోలేదు.
కేవలం ఇద్దరికీ అభిప్రాయ బేధాల వల్లే దూరమైనట్టు చెప్పారు. అయితే ఈ మధ్య సమంత కాఫీ విత్ కరణ్ అనే హిందీ టీవీ షో లో మాట్లాడుతూ తమ ఇద్దరినీ ఒక గదిలో బంధించి ఉంచితే మాత్రం పదునైన వస్తువులేవి దగ్గర్లో లేకుండా చూడాలని చెప్పింది. అంటే ఇద్దరి మధ్య అంత ద్వేషం, మనస్పర్ధలు ఉన్నాయని ఆమె చెప్పకనే చెప్పిందని అంటున్నారు.
ఇక నాగచైతన్య కూడా ఇటీవల తాను నటించిన లాల్ సింగ్ చడ్డా మూవీ ప్రచార కార్యక్రామాల్లో భాగంగా ఓ హిందీ ఛానల్ కి ఇంటర్వ్యూ ఇచ్చారు. ఈ షోలోని రిపోర్టర్.. సమంత ఇప్పుడు మీకు ఎదురు పడితే ఏం చేస్తారు అని నాగచైతన్యని అడగ్గా.. హాయ్ అని చెప్పి ఒక హగ్ ఇస్తా.. అని చెప్పాడు.
ఇదే ఇంటర్వ్యూలో నాగచైతన్య తమ విడాకుల విషయం గురించి ఇలా చెప్పారు. తాము విడిపోవడానికి గల కారణాలను ఇంకా లోతుగా ఎవరికీ చెప్పవలసిన అవసరం లేదని, ఏదైతే చెప్పదలుచుకున్నామో అప్పుడే ఇద్దరం చెప్పేశామని అన్నారు. తన ఫ్యామిలీ, స్నేహితులు, బంధువులకి అంతా తెలుసని, ప్రపంచానికి అంతా తెలియాల్సిన అవసరం లేదని అన్నారు.
ఇక అమీర్ ఖాన్ హీరోగా నటించిన లాల్ సింగ్ చడ్డా అనే హిందీ మూవీతో నాగచైతన్య బాలీవుడ్ లోకి ఎంట్రీ ఇవ్వబోతున్నాడు. ఈ సినిమాలో ఆయన హీరో స్నేహితుడుగా ఒక కీలక పాత్రలో నటించాడు. ఈ చిత్రం ఆగస్టు 11న ప్రపంచ వ్యాప్తంగా థియేటర్లలో విడుదలైంది.
