Unstoppable Show : నందమూరి బాలకృష్ణ తొలిసారిగా బుల్లితెరపై సందడి చేసిన షోలలో అన్స్టాపబుల్ షో ఒకటి. ఆయన ఈ షో ద్వారా బుల్లితెరకు తొలిసారిగా పరిచయం అయ్యారు. తొలి షోతోనే ఆయన అదరగొట్టేశారు. ఆహా ప్లాట్ఫామ్పై ప్రసారం అయిన అన్స్టాపబుల్ విత్ ఎన్బీకే తొలి సీజన్ సూపర్ డూపర్ హిట్ అయింది. పలువురు సెలబ్రిటీలు ఈ షో ఎపిసోడ్స్లో గెస్ట్లుగా పాల్గొని సందడి చేశారు. వారిని వ్యక్తిగత, సినిమాలకు చెందిన ప్రశ్నలు అడిగిన బాలయ్య కాస్త ఇరుకున పెట్టే ప్రయత్నం చేశారు. అయినప్పటికీ ఈ షో తొలి సీజన్ ఎంతో ఉత్సాహంగా సాగింది. బాలకృష్ణలోని ఎనర్జీ చూసి అందరూ షాకయ్యారు. ఈ క్రమంలోనే అన్స్టాపబుల్ షో తొలి సీజన్ ఎంతో గ్రాండ్గా ముగిసింది. అత్యధిక స్థాయిలో రేటింగ్స్ను రాబట్టింది.
ఇక తొలి సీజన్ సూపర్ డూపర్ హిట్ కావడంతో నిర్వాహకులు రెండో సీజన్కు కూడా ప్లాన్ చేస్తున్నారు. అయితే మొన్నీ మధ్య వరకు ఈ షో కు చెందిన గాసిప్స్ సందడి చేశాయి. కానీ ఇప్పుడు ఆహా వారు ఈ షో గురించిన అధికారిక వివరాలను వెల్లడించనున్నారు. ఈ షోకు చెందిన మరిన్ని వివరాలను ఆగస్టు 15వ తేదీన స్వాతంత్య్ర దినోత్సవం సందర్భంగా వెల్లడిస్తామని ప్రకటించేశారు. ఈ మేరకు ఒక ప్రోమోను కూడా వదిలారు. అందులో బాలయ్య మాట్లాడుతూ.. మధుర క్షణాలకు ముగింపు ఉండదని.. కొనసాగింపే ఉంటుందని.. అన్నారు. ఈ క్రమంలోనే ఈ ప్రోమో ఎంతగానో ఆకట్టుకుంటోంది.
ఇక తొలి సీజన్లో రాని గెస్టులను ఈ సారి రప్పించాలని చూస్తున్నట్లు తెలుస్తోంది. అందులో ముఖ్యంగా ఎన్టీఆర్, చిరంజీవి వంటి వారు ఉన్నారని సమాచారం. ఈ క్రమంలోనే తొలి సీజన్ను మించి రెండో సీజన్ను నిర్వహించేలా మేకర్స్ ప్లాన్ చేస్తున్నట్లు సమాచారం. అయితే ఈ షోను సెప్టెంబర్లో ప్రారంభించే అవకాశాలు స్పష్టంగా కనిపిస్తున్నాయి. దీనిపై అధికారిక సమాచారం వెల్లడి అయ్యే వరకు వేచి చూడాల్సిందే.
