Bucket : మనం ఇంట్లో వాడే ప్లాస్టిక్ బకెట్ల ఖరీదు ఎంత ఉంటుంది ? మహా అయితే రూ.200 నుంచి రూ.400 వరకు ఉంటుంది. చిన్నవి అయితే రూ.100 లోపే లభిస్తాయి. అయితే ఆ బకెట్ ధర ఎంతో తెలుసా ? అక్షరాలా రూ.26వేలు. అవును. నమ్మలేకున్నా ఇది నిజమే. ఓ సాధారణ ప్లాస్టిక్ బకెట్ను ఏకంగా రూ.26వేలకు విక్రయిస్తున్నారు. అయితే దాని అసలు ధర రూ.35,900 అట. దానిపై 28 శాతం డిస్కౌంట్ను కూడా అందిస్తున్నారు. దీంతో బకెట్ ధరను రూ.25,999గా నిర్ణయించారు. ఇక ఈ బకెట్ను అమెజాన్ లో విక్రయిస్తున్నారు.
అమెజాన్ లో విక్రయించబడుతున్న ఈ పింక్ కలర్ ప్లాస్టిక్ బకెట్ విషయం ఇప్పుడు వైరల్గా మారింది. ఇంకా విచిత్రం ఏమిటంటే.. దీనికి నో కాస్ట్ ఈఎంఐ సదుపాయం కూడా లభిస్తోంది. నెలకు రూ.1224 ఈఎంఐ చెల్లించి ఈ బకెట్ను నెలసరి వాయిదాల పద్ధతిలో కొనుగోలు చేయవచ్చు. అయితే అంతటి ధర ఉన్నప్పటికీ ఇప్పుడీ బకెట్ గురించి వెదికితే అందులో దొరకడం లేదు. నో స్టాక్ అని దర్శనమిస్తోంది. అంటే.. అంతటి ధర పెట్టి మరీ ఆ బకెట్ను ఎవరో కొని ఉంటారని అర్థం చేసుకోవచ్చు. దాన్ని కొన్న అభాగ్యుడు ఎవరబ్బా.. అని నెటిజన్లు ఆలోచిస్తున్నారు.
ఇక ఈ విషయంపై నెటిజన్లు అనేక రకాలుగా కామెంట్లు చేస్తున్నారు. మా దగ్గరికి వస్తే రూ.26వేలకు ఎన్ని కావాలంటే అన్ని బకెట్లను ఇస్తాం.. అసలు అంతటి ధర పెట్టి ఆ బకెట్ను కొన్న వ్యక్తి ఎవరు.. బకెట్ ధర ఇంతలా కూడా ఉంటుందా.. అని నెటిజన్లు రకరకాలుగా కామెంట్లు పెడుతున్నారు. ఇక ఈ వార్త సామాజిక మాధ్యమాల్లో వైరల్ అవుతోంది.
Just found this on Amazon and I don't know what to do pic.twitter.com/hvxTqGYzC4
— Vivek Raju (@vivekraju93) May 23, 2022
