Pawan Kalyan : పవన్ కల్యాణ్, భూమికలు హీరో హీరోయిన్లుగా 2001లో వచ్చిన ఖుషి చిత్రం అప్పట్లో ఎంతటి ఘన విజయాన్ని సాధించిందో ప్రత్యేకంగా చెప్పక్కర్లేదు. ఎస్జే సూర్య తెరకెక్కించిన ఈ చిత్రం అప్పట్లో ఘన విజయం సాధించింది. ఇందులోని పాటలు ప్రేక్షకులను ఎంతగానో ఆకట్టుకున్నాయి. మణిశర్మ సంగీతం అందించిన ఈ మూవీ పాటలు అంటే ప్రేక్షకులు ఇప్పటికీ ఆసక్తిగా వింటూనే ఉంటారు. ఇక ఈ మూవీ పవన్ కెరీర్లోని అత్యుత్తమ చిత్రాల్లో ఒకటిగా నిలిచింది. అయితే ఇదే మూవీ టైటిల్తో విజయ్ దేవర కొండ, సమంత హీరో హీరోయిన్లుగా తాజాగా ఒక చిత్రాన్ని ప్రకటించారు. ఈ చిత్ర ఫస్ట్ లుక్ను తాజాగా విడుదల చేశారు. అయితే పవన్ చిత్ర టైటిల్ ను వాడుకోవడమే కాక.. ఆ చిత్రాన్ని అవమానపరిచేలా విజయ్, సమంతలు వ్యవహరించారంటూ.. పవన్ ఫ్యాన్స్ వారిపై తీవ్ర ఆగ్రహం వ్యక్తం చేస్తున్నారు.
విజయ్ దేవరకొండ, సమంతలు ప్రధాన పాత్రల్లో తెరకెక్కుతున్న చిత్రం.. ఖుషి. ఈ చిత్ర ఫస్ట్ లుక్ను సోమవారం విడుదల చేశారు. బ్యాక్గ్రౌండ్లో ఆర్మీ, మంచు కొండలు ఉంటాయి. దీంతో ప్రేమ కథ నేపథ్యంలో ఈ సినిమా తెరకెక్కతుందని తెలుస్తోంది. అయితే ఈ ఫస్ట్ లుక్లో విజయ్, సమంత చూసేందుకు ఎబ్బెట్టుగా ఉన్నారు. ఈ క్రమంలోనే పవన్ ఫ్యాన్స్ ఆగ్రహం వ్యక్తం చేస్తున్నారు. విజయ్, సమంతలు పవన్ సినిమా టైటిల్ను వాడుకోవడమే కాక.. అంతటి గొప్ప చిత్రాన్ని అవమాన పరిచేలా దుస్తులు ధరించారని.. ఫస్ట్ లుక్ అసలు ఏమీ బాగాలేదని.. ఆరోపిస్తూ పవన్ ఫ్యాన్స్ వారిపై మండిపడుతున్నారు. ఈ క్రమంలోనే ఈ వార్త సోషల్ మీడియాలో వైరల్ అవుతోంది.
ఇక విజయ్, సమంతల ఖుషి చిత్రాన్ని.. నిన్ను కోరి, మజిలీ సినిమాల ఫేమ్ శివ నిర్వాణ తెరకెక్కిస్తుండగా.. దీన్ని మైత్రి మూవీ మేకర్స్ నిర్మిస్తోంది. డిసెంబర్ 23వ తేదీన ఈ మూవీ విడుదల కానుంది.
