Samantha Second Marriage : అక్కినేని నాగచైతన్య, సమంత ఎంతో కాలం క్యూట్ కపుల్గా ఉన్నారు. ఎప్పుడైతే సమంత తన పేరు నుంచి అక్కినేని అనే పేరును తొలగించిందో అప్పటి నుంచే అనుమానాలు మొదలయ్యాయి. తరువాత కొద్ది రోజులకే వీరు విడాకులు తీసుకుంటున్నట్లు ప్రకటించి ఆ అనుమానాలను నిజం చేశారు. దీంతో వీరి విడాకుల విషయం అప్పట్లో సంచలనం సృష్టించింది. అంతటి క్యూట్ కపుల్గా పేరు తెచ్చుకున్న వీరు అసలు ఎందుకు విడిపోయారు ? వీరి విడాకులకు కారణాలు ఏమిటి ? అని ఫ్యాన్స్ తెగ ఆలోచించారు. కానీ ఇప్పటికీ వారు విడాకులు ఎందుకు తీసుకున్నారో సరైన కారణాలు తెలియదు. సమంత పలు సినిమాలు, వెబ్ సిరీస్లలో అందాలను ఆరబోయడమే వారి విడాకులకు కారణమని ఇప్పటికీ చాలా మంది భావిస్తున్నారు. అయితే విషయం ఎలా ఉన్నా ఇప్పుడు వారు విడిపోయారు కనుక వారు రెండో పెళ్లి ఎప్పుడు చేసుకుంటారు ? అనే వార్తలు వైరల్ అవుతున్నాయి.
తాజాగా నాగచైతన్య రెండో పెళ్లి చేసుకోబోతున్నాడని.. అందుకు నాగార్జున కూడా గ్రీన్ సిగ్నల్ ఇచ్చారని.. పనిలో పనిగా అఖిల్కు కూడా ఒకేసారి పెళ్లి చేయాలని చూస్తున్నారని.. వార్తలు వచ్చాయి. అయితే నాగచైతన్య పీఆర్ టీమ్ ఈ వార్తలను ఖండించింది. అవన్నీ వట్టి పుకార్లేనని తేల్చేసింది. దీంతో నాగచైతన్య రెండో పెళ్లి విషయం వట్టిదే అని నిర్దారణ అయింది. అయితే ఇప్పుడు సమంత రెండో పెళ్లి చేసుకోబోతుంది.. అంటూ వార్తలు వస్తున్నాయి. ఆమెను గత కొంత కాలం నుంచి రెండో పెళ్లి చేసుకోవాలని ఇంట్లోని కుటుంబ సభ్యులు పోరు పెడుతున్నారట. దీంతో ఆమె రెండో పెళ్లి చేసుకోవాలని నిర్ణయం తీసుకుందని తెలుస్తోంది.
అయితే ప్రస్తుతం సమంత చేతిలో అనేక సినిమాలు ఉన్నాయి. అవన్నీ పూర్తయ్యేందుకు కనీసం ఇంకో ఏడాది లేదా ఏడాదిన్నర సమయం అయినా పడుతుంది. అప్పటి వరకు ఆగాక ఆ తరువాత పెళ్లి చేసుకుంటానని సమంత ఇంట్లో చెప్పిందట. దీంతో ఈ వార్త వైరల్ అవుతోంది. అయితే ఈ వార్త అయితే సోషల్ మీడియాలో వ్యాపిస్తున్నదే. ఇందులో నిజం ఎంత ఉందో తెలియాల్సి ఉంది. దీనిపై సమంత లేదా ఆమె పీఆర్ టీమ్ ఏమైనా స్పందిస్తుందో.. లేదో.. చూడాలి.
