సాధారణంగా కొందరికి ఒకటి కన్నా ఎక్కువ బ్యాంకులకు చెందిన డెబిట్ కార్డులు ఉంటాయి. అయితే వారు ఆ కార్డుల్లో కొన్ని కార్డులనే వాడుతుంటారు. కొన్నింటిని వాడరు. కానీ ఈ విషయం తెలిస్తే వారు డెబిట్ కార్డులను ఎక్కువగా వాడుతారు. ఎందుకంటే.. డెబిట్ కార్డులను అసలు వాడకపోతే అలాంటి కార్డులను బ్లాక్ చేయాలని త్వరలో ఆదేశాలు రానున్నాయి. అవును.. ఆర్బీఐ ఈ దిశగా ఉత్తర్వులు జారీ చేసే అవకాశం ఉందని తెలుస్తోంది.
రిజర్వ్ బ్యాంక్ ఆఫ్ ఇండియా ఆర్బీఐ త్వరలోనే డెబిట్ కార్డులకు సంబంధించి కీలక ఉత్తర్వులను జారీ చేసే అవకాశం ఉన్నట్లు తెలుస్తోంది. డెబిట్ కార్డులను వాడకపోతే అలాంటి కార్డులను బ్లాక్ చేయాల్సిందిగా బ్యాంకులకు ఆదేశాలు జారీ చేస్తుందని సమాచారం. ఈ క్రమంలోనే వినియోగదారులు వాడని తమ డెబిట్ కార్డులను ఇప్పటికైనా వాడాలని బ్యాంకులు సూచిస్తున్నాయి.
ప్రైవేటు బ్యాంకింగ్ సంస్థ హెచ్డీఎఫ్సీ ఈ విషయమై ఇప్పటికే తన ఖాతారుదాలకు మెసేజ్లు, మెయిల్స్ కూడా పంపిస్తోంది. వాడని డెబిట్ కార్డులను బ్లాక్ చేస్తామని, కనుక వాటితో ట్రాన్సాక్షన్స్ చేయాల్సి ఉంటుందని హెచ్డీఎఫ్సీ తెలిపింది. త్వరలోనే ఇతర బ్యాంకులు కూడా ఈ విషయమై ప్రకటనలు చేయవచ్చని తెలుస్తోంది.
