Vivo T1 5G : మొబైల్స్ త‌యారీదారు వివో భార‌త్‌లో త్వ‌ర‌లో స‌రికొత్త ఫీచ‌ర్ల‌తో ఓ అద్భుత‌మైన 5జి ఫోన్‌ను లాంచ్ చేయ‌నుంది. వివో టి1 5జి పేరిట విడుద‌ల కానున్న ఆ ఫోన్‌ను ఇప్ప‌టికే చైనాలో లాంచ్ చేశారు. ఈ క్ర‌మంలోనే ఫిబ్ర‌వ‌రి 9వ తేదీన ఈ ఫోన్‌ను భార‌త్‌లో విడుద‌ల చేయ‌నున్నారు. ఇక ఈ ఫోన్‌లో ప‌లు అద్భుత‌మైన ఫీచ‌ర్ల‌ను అందివ్వ‌నున్నారు.
వివో టి1 5జి స్మార్ట్ ఫోన్‌లో 6.67 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన డిస్‌ప్లేను ఏర్పాటు చేయ‌నున్నారు. దీనికి 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే క్వాలిటీగా ఉంటుంది. ఇందులో క్వాల్ కామ్ స్నాప్‌డ్రాగ‌న్ 778జి ప్రాసెస‌ర్‌ను ఏర్పాటు చేశారు. అందువ‌ల్ల 5జి కి సపోర్ట్ ల‌భిస్తుంది. ఈ ఫోన్ 12జీబీ ర్యామ్‌, 256 జీబీ స్టోరేజ్ ఆప్ష‌న్‌లో విడుద‌ల కానుంది.
Vivo T1 5G : 64 మెగాపిక్స‌ల్ మెయిన్ కెమెరా..
ఈ ఫోన్‌లో వెనుక భాగంలో 64 మెగాపిక్స‌ల్ మెయిన్ కెమెరాను ఏర్పాటు చేశారు. దీనికి తోడుగా మ‌రో 8 మెగాపిక్స‌ల్ అల్ట్రా వైడ్ యాంగిల్ కెమెరా, 2 మెగాపిక్స‌ల్ మాక్రో కెమెరాల‌ను ఏర్పాటు చేశారు. ముందు వైపు 16 మెగాపిక్స‌ల్ సెల్ఫీ కెమెరాను ఇచ్చారు. 5జితోపాటు 4జీ ఎల్‌టీఈ, వైఫై 6, బ్లూటూత్ 5.2, యూఎస్‌బీ టైప్ సి వంటి ఇత‌ర ఫీచ‌ర్ల‌ను ఇందులో అందివ్వ‌నున్నారు.
ఈ ఫోన్‌లో 5000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి ఫాస్ట్ చార్జింగ్ సపోర్ట్ ల‌భిస్తుంది. అందువ‌ల్ల ఫోన్ వేగంగా చార్జింగ్ అవుతుంది.
ఈ ఫోన్ ధ‌ర వివ‌రాల‌ను వెల్ల‌డించ‌లేదు. కానీ రూ.25వేల ధ‌ర‌కు ల‌భ్యం కానున్న‌ట్లు తెలుస్తోంది. ఫ్లిప్‌కార్ట్‌తోపాటు ప‌లు ఇత‌ర ఆన్‌లైన్, ఆఫ్‌లైన్ స్టోర్స్‌లో ఈ ఫోన్ ల‌భ్యం కానుంది.
