Lavanya Tripathi : త‌మిళ‌నాడులో ఇటీవ‌ల లావణ్య అనే యువ‌తి ఆత్మహత్య సంఘ‌ట‌న సంచ‌ల‌నం సృష్టించిన సంగ‌తి తెలిసిందే. త‌న‌ను ఓ మతం నుంచి ఇంకో మ‌తానికి బ‌ల‌వంతంగా మార్పిడి చేస్తున్నార‌ని చెబుతూ.. తాను తీవ్ర ఒత్తిడికి గుర‌య్యాన‌ని.. అందుకే ఆత్మహత్య చేసుకుంటున్నాన‌ని చెప్పి మ‌రీ ఆమె ఆత్మ‌హ‌త్య‌కు పాల్ప‌డింది. అయితే ఈ సంఘ‌ట‌న‌లోకి న‌టి లావణ్య త్రిపాఠిని లాగారు. ఓ నెటిజ‌న్ అయితే ఆమె ప‌ట్ల అనుచిత వ్యాఖ్య‌లు చేశాడు. దీంతో లావణ్య త్రిపాఠి స్పందించింది. త‌న‌దైన శైలిలో ఆ నెటిజ‌న్‌కు కౌంట‌ర్ ఇచ్చింది.
#LavanyaTripathi అనే హ్యాష్‌ట్యాగ్‌ను ద‌య‌చేసి వాడ‌కండి, ఆమె ఒక చీప్ న‌టి, అక్క‌డ చ‌నిపోయింది లావణ్య, ఆమె ఒక ద‌ళిత అమ్మాయి, ఆమె ధ‌ర్మం కోసం పోరాడింది, లావణ్య త్రిపాఠి లాంటి చీప్ న‌టుల‌ను లావణ్య లాంటి అమ్మాయిల‌తో పోల్చ‌కండి.. అంటూ ఓ నెటిజ‌న్ కామెంట్ పెట్టాడు. దీంతో లావణ్య త్రిపాఠి స్పందించింది.
Lavanya Tripathi : గౌర‌వించ‌డం ఎలాగో నేర్చుకోండి..
మీ లాంటి మ‌గ‌వారు మ‌హిళ‌ల‌కు గౌర‌వం ఇవ్వ‌డం ఎప్పుడు నేర్చుకుంటారు, అక్క‌డ జ‌రిగింది చాలా దుర‌దృష్ట‌క‌ర‌మైన సంఘ‌ట‌న, ఒక‌ర్ని చీప్ అని నిందించే బ‌దులు వారిని గౌర‌వించ‌డం ఎలాగో నేర్చుకోండి, జ‌రిగిన సంఘ‌ట‌న‌కు నేను చాలా చింతిస్తున్నా, మ‌న స‌మాజం ప్ర‌స్తుతం అలాగే ఉంది.. అని లావణ్య త్రిపాఠి ట్వీట్ చేసింది.
Why do men like you start respecting women when something horrible happens, before that they call them cheap.. Learn to respect everyone!
Extremely unfortunate incident, but this is the reality of our society. https://t.co/nGVshvWeCk— Lavanya konidela tripathi (@Itslavanya) January 31, 2022
త‌మిళ‌నాడులో లావణ్య అనే అమ్మాయి చ‌నిపోతే కొంద‌రు లావణ్య త్రిపాఠి అని హ్యాష్‌ట్యాగ్ జ‌త చేశారు. దీంతో లావణ్య త్రిపాఠి త‌న‌కు సంబంధం లేక‌పోయినా.. ఆమె అన‌వ‌స‌రంగా ఈ వివాదంలోకి వ‌చ్చి చేరింది. అందులో భాగంగానే సోష‌ల్ మీడియాలో ఆమెపై నెగెటివ్ కామెంట్లు వ‌స్తున్నాయి. అయితే అన్ని కామెంట్ల‌కు స్పందించ‌డం కుద‌ర‌దు. కానీ ఆమె ఇచ్చిన రిప్లై మాత్రం అంద‌రికీ చేరి ఉంటుంది.
