Bahubali 3 : దర్శకధీరుడు రాజమౌళి బాహుబలి సినిమాతో తెలుగు సినిమా స్థాయిని పెంచిన విషయం తెలిసిందే. రెండు పార్ట్లుగా విడుదలైన ఈ చిత్రం రికార్డులని చెరిపేసింది. ఈ సినిమాకు మూడో పార్ట్ ఉంటుందా అని కొద్ది రోజులుగా అభిమానులలో అనేక ప్రశ్నలు తలెత్తుతున్నాయి. ఈ క్రమంలో ఆయన ఆర్ఆర్ఆర్ కి సంబంధించిన ఇంటర్వ్యూలో క్లారిటీ ఇచ్చారు. రాజమౌళి వివరణతో అభిమానుల్లో ఆనందం వెల్లివిరిసింది.
ఆర్ఆర్ఆర్ సినిమా ప్రమోషన్ లో రాజమౌళికి అనేక రకాల ప్రశ్నలు ఎదురవుతున్నాయి. ఆయన భవిష్యత్తు ప్రాజెక్టులు ఎలా ఉండబోతున్నాయని విలేకరులు ఎన్నో సందేహాలను అడుగుతున్నారు. ఇక తన తదుపరి ప్రాజెక్టు అయితే తప్పకుండా మహేష్ బాబు తోనే ఉంటుందని, అది కూడా ఒక పాన్ ఇండియా ప్రాజెక్ట్ అని చాలా క్లియర్ గా రాజమౌళి వివరణ ఇస్తూ వస్తున్నారు.
బాహుబలి 3 గురించి అడిగిన ప్రశ్నకు ఇప్పుడు కాకపోయినా.. భవిష్యత్తులో బాహుబలి 3 తప్పక ప్లాన్ చేస్తానని రాజమౌళి ప్రకటించారు. అయితే ఎప్పుడు వస్తుందనే విషయంపై ఇప్పుడే చెప్పలేనని అన్నారు. గతంలో ఈగ సీక్వెల్ కూడా ఉంటుందని తెలియజేశారు. మొత్తానికి రాజమౌళి నోటి నుండి బాహుబలి 3 రూపొందనుందనే వార్త బయటకు రావడంతో అభిమానుల్లో ఆనందం అవధులు దాటుతోంది.
