దేశవ్యాప్తంగా ఉన్న పోస్టాఫీసుల్లో పౌరులకు అనేక రకాల స్కీమ్లు అందుబాటులో ఉన్నాయి. అయితే ఎందులో ఎక్కువ మొత్తంలో ఆదాయం పొందవచ్చు అనే విషయం చాలా మందికి తెలియదు. నిజానికి పోస్టాఫీసులు అందిస్తున్న అనేక స్కీమ్లలో డబ్బులను పొదుపు చేస్తే కొన్ని ఏళ్లకు రెట్టింపు మొత్తంలో డబ్బును పొందవచ్చు. మరి ఆ స్కీమ్లు ఏమిటో ఇప్పుడు తెలుసుకుందామా..!
1. పోస్టాఫీస్ టైమ్ డిపాజిట్
ఇందులో 1-3 ఏళ్ల పాటు డబ్బును పొదుపు చేయవచ్చు. ఏడాదికి 5.5 శాతం వడ్డీ చెల్లిస్తారు. ఇందులో డబ్బును పొదుపు చేస్తే 13 ఏళ్లకు రెట్టింపు మొత్తంలో డబ్బు పొందవచ్చు. ఇందులో 5 ఏళ్ల పాటు కూడా పొదుపు చేయవచ్చు. దీంతో 6.7 శాతం వడ్డీ చెల్లిస్తారు. ఇక 5 ఏళ్ల డిపాజిట్ స్కీమ్ తీసుకుంటే 10 ఏళ్ల 9 నెలలకు రెట్టింపు మొత్తంలో డబ్బును పొందవచ్చు.
2. పోస్టాఫీస్ సేవింగ్స్ బ్యాంక్ అకౌంట్
పోస్టాఫీస్ సేవింగ్స్ బ్యాంక్ అకౌంట్లో డబ్బును పొదుపు చేస్తే 18 ఏళ్లకు రెట్టింపు మొత్తం లభిస్తుంది. ఏడాదికి 4 శాతం వడ్డీ చెల్లిస్తారు.
3. పోస్టాఫీస్ రికరింగ్ డిపాజిట్స్
రికరింగ్ డిపాజిట్స్ (ఆర్డీ) స్కీమ్లో పెట్టే డబ్బులకు ఏడాదికి 5.8 శాతం వడ్డీ చెల్లిస్తారు. ఇందులో 12 ఏళ్ల 5 నెలల పాటు డబ్బును పొదుపు చేస్తే రెట్టింపు మొత్తంలో లాభం పొందవచ్చు.
4. పోస్టాఫీస్ మంత్లీ ఇన్కమ్ స్కీమ్
ఇందులో 6.6 శాడం వడ్డీని ఏడాదికి చెల్లిస్తారు. 10.91 ఏళ్లలో పెట్టిన మొత్తం రెట్టింపు అవుతుంది.
5. పోస్టాఫీస్ సీనియర్ సిటిజెన్ సేవింగ్ స్కీమ్
వృద్ధులకు పోస్టాఫీస్ అందిస్తున్న సేవింగ్స్ స్కీమ్ ఇది. ఇందులో వారికి ఏడాదికి 7.4 శాతం వడ్డీని చెల్లిస్తారు. 9.73 ఏళ్లలో పెట్టిన మొత్తం రెట్టింపు అవుతుంది.
6. పోస్టాఫీస్ పీపీఎఫ్
పోస్టాఫీస్ పబ్లిక్ ప్రావిడెంట్ ఫండ్ (పీపీఎఫ్) పథకంలో ఏడాదికి 7.1 శాతం వడ్డీ చెల్లిస్తారు. 15 ఏళ్ల పాటు పొదుపు చేయాలి. 10.14 ఏళ్లలో డబ్బు రెట్టింపు అవుతుంది.
7. పోస్టాఫీస్ సుకన్య సమృద్ధి అకౌంట్
ఆడపిల్లల కోసం అందజేస్తున్న పథకం ఇది. ఇందులో ఏడాదికి 7.6 శాతం వడ్డీని చెల్లిస్తారు. 9 ఏళ్ల 6 నెలలకు డబ్బులు రెట్టింపు అవుతాయి.
8. పోస్టాఫీస్ నేషనల్ సేవింగ్ సర్టిఫికెట్
దీంట్లో ఏడాదికి 6.8 శాతం వడ్డీని పొందవచ్చు. 5 ఏళ్ల పాటు పెట్టుబడి పెట్టవచ్చు. ట్యాక్స్ బెనిఫిట్స్ వర్తిస్తాయి. 10 ఏళ్ల 7 నెలలకు డబ్బులు రెట్టింపు అవుతాయి.
