Bigg Boss 5 : బిగ్ బాస్ సీజన్ 5 కార్యక్రమంలో టికెట్ టూ ఫినాలే టాస్క్ ఎంత ఆసక్తికరంగా సాగుతుందో ప్రత్యేకంగా చెప్పనక్కర్లేదు. మొదటి టాస్క్లో ఐస్ టబ్లో కాళ్లు పెట్టి చాలా మంది గాయపడ్డారు. రెండో టాస్క్లో 29 నిమిషాలు లెక్కపెట్టాల్సి ఉండగా, ఈ ఛాలెంజ్లో మానస్ మొదటి స్థానంలో నిలిచాడు. షణ్ముఖ్, సిరి, శ్రీరామ్, ప్రియాంక, కాజల్, సన్నీ వరుసగా తర్వాతి స్థానాల్లో ఉన్నారు.
అయితే ఎవరెన్ని చెప్పినా తాము మాత్రం హగ్ విషయంలో తగ్గేదేలే అంటున్నారు సిరి-షణ్ముఖ్. నన్ను బాగా చూసుకుంటున్నాడు, మరి హగ్గివ్వకపోతే ఎలా అంటూ అతడిని హత్తుకుంది సిరి. మా అమ్మకు ఇప్పుడు అర్థమవుతుందని తనలో తానే అనుకుంది సిరి.
ఇక కొంత సేపటి తర్వాత హౌస్మేట్స్ స్కిల్ ఛాలెంజ్ స్వీకరించారు. ఇందులో భాగంగా ఏటవాలుగా ఉన్న స్టాండ్లో నీళ్లు పోసి అందులోని జార్స్లో ఉన్న బాల్స్ కింద పడేలా చేయాలి. ఎవరైతే అన్ని బాల్స్ ముందుగా కిందపడేలా చేస్తారో వారు మొదటి స్థానంలో నిలుస్తారు. అయితే గాయాల పాలైన శ్రీరామ్, సిరి స్థానాలలో ఆడటానికి సన్నీ, షణ్ముఖ్ ముందుకు వచ్చారు. టాస్క్ అనే సరికి సిరి కాలికి కట్టుతోనే ఆడడానికి వచ్చింది.
బిగ్ బాస్ ఒప్పుకోకపోయే సరికి ఆమె తరపున షణ్ముఖ్ గేమ్ ఆడాడు. ఇక ఈ గేమ్లో మానస్, శ్రీరామ్, సిరి, ప్రియాంక, కాజల్, సన్నీ, షణ్ముఖ్ వరుసగా ఏడు స్థానాల్లో నిలిచారు. మొత్తంగా టికెట్ టు ఫినాలే టాస్క్లో మూడు ఛాలెంజ్లు పూర్తయ్యే సరికి తక్కువ పాయింట్లు ఉన్న కాజల్, ప్రియాంక రేసు నుంచి తప్పుకున్నట్లు బిగ్బాస్ వెల్లడించాడు. సన్నీ, షణ్ముఖ్లిద్దరికీ సమాన పాయింట్లు రావడంతో వీరికి మళ్లీ గేమ్ పెట్టగా ఇందులో సన్నీ గెలిచి తర్వాతి రౌండ్కు అర్హత సాధించాడు.
అందరికంటే ఎక్కువగా మానస్ 18 పాయింట్లతో ముందున్నాడు. ఆ తరువాత స్థానంలో 16 పాయింట్లతో శ్రీరామ్ ఉన్నాడు. 15 పాయింట్లతో సిరి మూడో స్థానంలో ఉంది. 10 పాయింట్లతో సన్నీ టికెట్ టు ఫినాలేకి అర్హత సాధించిన వారిలో చివరి స్థానంలో ఉన్నాడు. షణ్ను రేసు నుంచి వైదొలిగాడు.
