TECNO Spark 8 : ట్రాన్సిషన్ ఇండియా సంస్థ టెక్నో స్పార్క్ 8 పేరిట ఓ నూతన స్మార్ట్ ఫోన్ను భారత్లో విడుదల చేసింది. ఇందులో పలు ఆకట్టుకునే ఫీచర్లను అందిస్తున్నారు. ధర కూడా తక్కువగానే ఉండడం విశేషం.
టెక్నో స్పార్క్ 8 ఫోన్లో.. 6.52 ఇంచుల హెచ్డీ ప్లస్ రిజల్యూషన్ కలిగిన డిస్ప్లేను ఏర్పాటు చేశారు. ఈ ఫోన్లో 2 గిగాహెడ్జ్ ఆక్టాకోర్ మీడియాటెక్ హీలియో జి25 ప్రాసెసర్ లభిస్తుంది. 3జీబీ ర్యామ్, 32 జీబీ స్టోరేజ్లను అందిస్తున్నారు. మెమొరీని కార్డు ద్వారా 256 జీబీ వరకు పెంచుకోవచ్చు. ఆండ్రాయిడ్ 11 ఆపరేటింగ్ సిస్టమ్ లభిస్తుంది.
16 మెగాపిక్సల్ బ్యాక్ కెమెరాను ఈ ఫోన్లో ఏర్పాటు చేయగా.. ముందు వైపు 8 మెగాపిక్సల్ కెమెరాను అమర్చారు. ఫింగర్ ప్రింట్ సెన్సార్ వెనుక వైపు ఉంది. 4జీ వీవోఎల్టీఈ, బ్లూటూత్ 5.0, 5000ఎంఏహెచ్ బ్యాటరీ వంటి ఇతర ఫీచర్లు ఈ ఫోన్లో అందుబాటులో ఉన్నాయి.
టెక్నో స్పార్క్ 8 స్మార్ట్ ఫోన్ ధర రూ.9,299 ఉండగా.. దీన్ని అన్ని ఆఫ్లైన్ స్టోర్స్లో విక్రయిస్తున్నారు.
