Bigg Boss 5 : ఎన్నో ఆశలతో బిగ్ బాస్ హౌజ్లోకి అడుగుపెట్టిన కంటెస్టెంట్స్ కప్పు కొట్టాలనే కసితో గేమ్ ఆడుతుంటారు. అయితే కొన్ని సందర్భాలలో వారి ఆరోగ్య పరిస్థితి బాగోలేక హౌజ్ నుండి బయటకు రావలసిన పరిస్థితి ఏర్పడుతుంది. గతంలో గంగవ్వ, నోయల్ ఇలానే బయటకు వచ్చి తిరిగి లోపలికి కూడా వెళ్లలేదు. ఇప్పుడు జస్వంత్ కూడా అనారోగ్యంతో బయటకు వచ్చేశాడు. జశ్వంత్ పడాల అలియాస్ జెస్సీ కొన్నిరోజులుగా వెర్టిగో అనే సమస్యతో బాధపడుతున్నాడు.
సమస్య పెద్దది కావడంతో బిగ్బాస్ అతన్ని వైద్య పరీక్షల నిమిత్తం బయటకు పంపేసినట్లు టాక్. వెర్టిగో అంటే తల తిరగడం, చెమటలు పట్టడం, వాంతులు కావడం, వినికిడి లోపం, సరిగ్గా నిలుచోలేకపోవడం వంటి లక్షణాలుంటాయి. ఈ వెర్టిగో సమస్య వలన జస్వంత్ చాలా ఇబ్బంది పడడంతో అతనిని బయటకు పంపించేశారు. బిగ్బాస్ వద్దన్నా నువ్వు టాస్కుల్లో పాల్గొనడం గొప్ప విషయమంటూ నాగార్జున జెస్సీని అభినందించిన విషయం తెలిసిందే.
జస్వంత్ ని సీక్రెట్ రూమ్ కి పిలిచిన బిగ్ బాస్.. మీ ఆరోగ్యం విషయం వలన మీరు హౌజ్ నుండి బయటకు వెళ్లే సమయం ఆసన్నమైంది అని చెప్పడంతో జస్వంత్.. రూమ్ నుండి బయటికి వచ్చి హౌస్ నుండి వెళ్ళిపోతున్నట్లు తెలియజేశాడు. ఈ పరిణామం కంటెస్టెంట్స్ ని షాక్ కి గురిచేసింది. ముఖ్యంగా జస్వంత్ క్లోజ్ ఫ్రెండ్స్ సిరి, షణ్ముఖ్ కన్నీటి పర్యంతం అయ్యారు. ఈ వారం ఎలిమినేషన్స్ లో కూడా జస్వంత్ లేడు. మరో రెండు వారాలు ఈజీగా అతను బిగ్ బాస్ హౌజ్లో ఉండేవాడు. కానీ అనారోగ్యం వలన అతను బయటకు రావడం అభిమానులని కలవరపరుస్తోంది.
