T20 World Cup 2021 : అబుధాబి వేదిక‌గా జ‌రిగిన ఐసీసీ టీ20 వ‌ర‌ల్డ్ క‌ప్ 2021 టోర్నీ 38వ మ్యాచ్‌లో వెస్టిండీస్‌పై ఆస్ట్రేలియా గెలుపొందింది. వెస్టిండీస్ నిర్దేశించిన ల‌క్ష్యాన్ని ఆస్ట్రేలియా సుల‌భంగానే ఛేదించింది. ఈ క్ర‌మంలో విండీస్‌పై ఆసీస్ 8 వికెట్ల తేడాతో విజ‌యం సాధించింది.
మ్యాచ్‌లో టాస్ గెలిచిన ఆస్ట్రేలియా ముందుగా ఫీల్డింగ్ ఎంచుకోగా.. వెస్టిండీస్ బ్యాటింగ్ చేసింది. ఈ క్ర‌మంలో విండీస్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 157 ప‌రుగులు చేసింది. విండీస్ బ్యాట్స్‌మెన్‌ల‌లో కీర‌న్ పొల్లాడ‌ర్ 31 బంతుల్లో 4 ఫోర్లు, 1 సిక్స‌ర్‌తో 44 ప‌రుగులు చేయ‌గా, ఎవిన్ లెవిస్ 26 బంతుల్లో 5 ఫోర్ల‌తో 29 ప‌రుగులు చేశాడు. ఆస్ట్రేలియా బౌల‌ర్ల‌లో జోష్ హేజ‌ల్‌వుడ్ 4 వికెట్లు ప‌డ‌గొట్టాడు. మిచెల్ స్టార్క్‌, ప్యాట్ క‌మ్మిన్స్‌, ఆడ‌మ్ జంపాలు త‌లా 1 వికెట్ తీశారు.
అనంత‌రం బ్యాటింగ్ చేసిన ఆస్ట్రేలియా 16.2 ఓవ‌ర్ల‌లోనే ల‌క్ష్యాన్ని ఛేదించింది. 2 వికెట్ల‌ను మాత్ర‌మే కోల్పోయి 161 ప‌రుగులు చేసింది. ఆస్ట్రేలియా బ్యాట్స్‌మెన్‌ల‌లో ఓపెన‌ర్ డేవిడ్ వార్న‌ర్ 56 బంతుల్లో 9 ఫోర్లు, 4 సిక్స‌ర్ల‌తో 89 ప‌రుగులు చేసి నాటౌట్‌గా నిలిచాడు. మిచెల్ మార్ష్ 32 బంతుల్లో 5 ఫోర్లు, 2 సిక్స‌ర్ల‌తో 53 ప‌రుగులు చేశాడు. విండీస్ బౌల‌ర్ల‌లో అకియ‌ల్ హోసిన్‌, క్రిస్ గేల్‌ల‌కు చెరొక వికెట్ ద‌క్కింది.
