Lenovo Tab K10 : లెనోవో సంస్థ ట్యాబ్ కె10 పేరిట ఓ నూతన ఆండ్రాయిడ్ ట్యాబ్ను భారత్లో విడుదల చేసింది. ఇందులో పలు ఆకట్టుకునే ఫీచర్లను అందిస్తున్నారు. ఈ ట్యాబ్లో 10.3 ఇంచుల సైజ్ ఉన్న ఫుల్ హెచ్డీ ప్లస్ రిజల్యూషన్ కలిగిన ఎల్సీడీ డిస్ప్లేను ఏర్పాటు చేశారు. దీనికి ప్రత్యేకంగా ఐ కేర్ మోడ్ ఫీచర్ను అందిస్తున్నారు. దీంతో కళ్లపై ప్రభావం పడకుండా జాగ్రత్తగా ఉండవచ్చు.
ఈ ట్యాబ్లో 1.8 గిగాహెడ్జ్ ఆక్టాకోర్ మీడియాటెక్ హీలియో పి22టి ప్రాసెసర్ను ఏర్పాటు చేశారు. 3/4 జీబీ ర్యామ్, 32/64 జీబీ స్టోరేజ్, 256 జీబీ వరకు ఎక్స్పాండబుల్ స్టోరేజ్ వంటి ఫీచర్లను అందిస్తున్నారు. ఆండ్రాయిడ్ 11 ఆపరేటింగ్ సిస్టమ్ లభిస్తుంది. దీన్ని ఆండ్రాయిడ్ 12 కు అప్ గ్రేడ్ చేసుకోవచ్చు.
ఈ ట్యాబ్కు వెనుక వైపు 8 మెగాపిక్సల్ కెమెరా ఉండగా, ముందు వైపు 5 మెగాపిక్సల్ కెమెరా ఉంది. దీనికి ఫేస్ అన్లాక్ ఫీచర్ను అందిస్తున్నారు. డాల్బీ ఆడియో ఫీచర్ను ఈ ట్యాబ్లో పొందవచ్చు. 4జీ ఎల్టీఈ, వైఫై ఆప్షన్లలో ఈ ట్యాబ్ లభిస్తోంది. ఇందులో బ్లూటూత్ 5.1, యూఎస్బీ టైప్ సి, 7500 ఎంఏహెచ్ బ్యాటరీ ఫీచర్లను అందిస్తున్నారు.
లెనోవో ట్యాబ్ కె10 ట్యాబ్కు చెందిన 3జీబీ ర్యామ్, 32 జీబీ స్టోరేజ్ ఎల్టీఈ వెర్షన్ ధర రూ.13,999 ఉండగా, 4జీబీ ర్యామ్, 64జీబీ స్టోరేజ్ వైఫై వెర్షన్ ధర రూ.15,999గా ఉంది. అలాగే 4జీబీ ర్యామ్, 64జీబీ స్టోరేజ్ ఎల్టీఈ వెర్షన్ ధర రూ.16,999గా ఉంది. ఈ ట్యాబ్ను అమెజాన్, లెనోవో ఆన్లైన్ స్టోర్, ఫ్లిప్కార్ట్, ఇతర ఆన్ లైన్, ఆఫ్లైన్ స్టోర్స్లో విక్రయిస్తున్నారు.
