Tollywood : సినీ సెలెబ్రిటీలకు ఆస్తులకు కరువే ఉండదు. సినిమాల్లో రాణిస్తున్నప్పుడే నాలుగు రాళ్ళు వెనకేసుకుంటారు. ఈ క్రమంలో ప్రాపర్టీస్ కొనే పనిలో ఉంటారు. ఇళ్ళు, షాపింగ్ మాల్స్ తో పాటు ఆస్తులు కూడా కొని పక్కన పెట్టుకుంటారు. అలాగే ఓ స్టార్ సీనియర్ హీరోకి పేరుతో పాటు ఆస్తులు బాగానే ఉన్నాయి. ఈయనకు ఇప్పటికే ఎన్నో ఇళ్ళున్నాయి. వీటికి తోడు మరో ఇంటిని కట్టే ప్లాన్ లో ఉన్నారు. అందుకే ఫిల్మ్ నగర్ లో ఉన్న తన పాత ఇంటిని అమ్మేసే ప్లాన్ లో ఉన్నారట.
ఈ వార్త ప్రస్తుతం సినీ ఇండస్ట్రీలో తెగ చక్కర్లు కొడుతోంది. అయితే ఈ ఇల్లు ఫిల్మ్ నగర్ మెయిన్ లొకేషన్ లో ఉండటంతో, పెద్ద భవనం కావడంతో ఈ ఇంటికి రేటు ఆకాశాన్ని అంటుతుంది. అందుకే ఎవరూ కొనుక్కోవడానికి ముందుకు రావడం లేదని తెలుస్తోంది. ఇక్కడ మరో ఇంట్రెస్టింగ్ విషయం ఏంటంటే, ఈ పెద్ద భవంతిని అమ్ముతారని కొన్ని సంవత్సరాల క్రిందటే సినీ ఇండస్ట్రీలో పలు బ్రోకర్ల ద్వారా ప్రయత్నాలు జరిగాయి.
అప్పట్లోనే ఆ వార్తల్ని ఖండించారు. ఆ వార్తల్లో ఎలాంటి నిజాలు లేవని కొట్టిపారేశారు. సోషల్ మీడియాలో కొన్నాళ్ళు చర్చ జరిగింది కానీ ఆ తర్వాత సైలెంట్ అయిపోయారు. మళ్ళీ ఇన్నాళ్ళ తర్వాత అవే వార్తలు వినిపించడం గమనార్హం. ఇక ఈ నేపథ్యంలో మళ్ళీ ఈ సీనియర్ నటుడి ఇంటినే ఎందుకు ఇన్నిసార్లు టార్గెట్ చేశారంటూ సోషల్ మీడియాలో నెటిజన్లు కామెంట్ చేస్తున్నారు.
