Instagram : ప్రముఖ సోషల్ నెట్వర్క్ సంస్థ ఫేస్బుక్ కు చెందిన ఇన్స్టాగ్రామ్, వాట్సాప్తోపాటు ఫేస్బుక్ కూడా ఇటీవల 6 గంటల పాటు పనిచేయకుండా పోయిన సంగతి తెలిసిందే. రాత్రి 9 గంటలకు ఈ మూడు నెట్వర్క్ల సేవలు నిలిచిపోగా.. వాటిని పునరుద్ధరించేందుకు ఏకంగా 6 గంటలకు పైగానే సమయం పట్టింది. అయితే దీని వెనుక సాంకేతిక సమస్యలను ఫేస్బుక్ కారణాలుగా చూపింది. కానీ విషయం వేరే ఉందని తెలుస్తోంది.
అయితే ఇన్స్టాగ్రామ్ సేవలు ఈ వారంలో రెండో సారి నిలిచిపోయాయి. అర్థరాత్రి 12 గంటల తరువాత దాదాపుగా గంట సేపు ఇన్స్టాగ్రామ్ పనిచేయలేదు. దీంతో యూజర్లు చాలా ఇబ్బందులు పడ్డారు. వారి ఫీడ్లో ఏమీ కనిపించలేదు.
ఇక ఇన్స్టాగ్రామ్ డౌన్ అయ్యాక కొంత సేపు ఇన్స్టాగ్రామ్ గౌన్ అగెయిన్ అనే హ్యాష్ టాగ్ కూడా ట్రెండ్ అయింది. తరువాత ట్విట్టర్ లో యూజర్లు కొంత సేపు మీమ్స్ పోస్ట్ చేశారు. దీంతో ఇన్స్టాగ్రామ్ సేవలు మళ్లీ అందుబాటులోకి వచ్చాయి. అయితే దీనిపై ఆ సంస్థ స్పందించింది. సేవలకు అంతరాయం కలగడంపై చింతిస్తున్నామని, సమస్యను పరిష్కరించామని క్షమాపణలు కూడా చెప్పింది.
