Solar Eclipse 2024 : వేద జోతిష్య శాస్త్రం ప్రకారం ఏప్రిల్ 8 న, మీనంలోని 4 గ్రహాలు చతుర్గ్రాహి యోగాన్ని ఏర్పరుస్తాయి. అలాగే ఈ రోజున సూర్యగ్రహణం కూడా ఏర్పడనుండి. ఈ ఏడాది ఇదే తొలి సూర్యగ్రహణం. ఈ రోజున సూర్యుడు, బుధుడు, రాహువు, శుక్రుడు కలిసి చతుర్గ్రాహి యోగాన్ని ఏర్పరుస్తున్నాయి. దాదాపు 500 సంవత్సరాల తరువాత ఇటువంటి అరుదైన యాదృచ్ఛికం జరగబోతోంది. సూర్యగ్రహణం రోజున ఏర్పడుతున్న ఈ చతుర్గ్రాహి యోగం మొత్తం 12 రాశులను ప్రాభావితం చేస్తుంది. అయితే ముఖ్యంగా ఈ నాలుగు రాశుల వారికి మరింత శుభప్రదంగా ఉండబోతుందని పండితులు చెబుతున్నారు. ఏప్రిల్ 8 నుండి ఈ నాలుగు రాశుల వారికి మంచి రోజులు ప్రారంభం కానున్నాయని వారు ఉద్యోగ, వ్యాపారాల్లో పురోగతి చెందుతారని పండితులు చెబుతున్నారు.
సూర్యగ్రహణం మరియు చతుర్గ్రాహి యోగం మేలు చేస్తున్న నాలుగు రాశులు ఏమిటో.. ఇప్పుడు తెలుసుకుందాం. సూర్యగ్రహణం మరియు చతుర్గ్రాహి యోగం మేషరాశి వారికి ఎంతో ప్రయోజనకరంగా ఉంటుంది. మేషరాశి వారు ఆర్థిక లాభాలను పొందుతారు. వ్యాపారంలో లాభాలు చేకూరుతాయి. నిరుద్యోగులకు ఉద్యోగం వస్తుంది. అలాగే ఉద్యోగస్తులకు ప్రమోషన్ వచ్చే అవకాశం కూడా ఉంది. అలాగే ఈ సంవత్సరంలో వస్తున్న మొదటి సూర్యగ్రహణం వృషభ రాశికి కూడా శుభ ఫలితాలను కలిగిస్తుంది. ఉద్యోగ ప్రయత్నాలు ఫలిస్తాయి. వాహన యోగం ఉంది. ఆర్థికంగా ప్రయోజనాలు కలుగుతాయి. వైవాహిక జీవితం ఆనందమయంగా మారుతుంది. సూర్యగ్రహణంతో పాటు ఏర్పడుతున్న చతుర్గ్రాహి యోగం సింహరాశి వారికి కూడా మంచి ఫలితాలను ఇస్తుంది. సింహరాశి వారికి ఇది ఎంతో అనుకూలంగా ఉంటుంది. వారి ఆదాయం పెరుగుతుంది.
వీరు చేయాలనుకున్న పెద్ద పనిని పూర్తి చేస్తారు. కుటుంబ సభ్యుల నుండి మద్దతు లభిస్తుంది. నిలిచిపోయిన డబ్బు అందుతుంది. కొత్త కారు లేదా ఇల్లు కొనుగోలు చేసే అవకాశం ఉంది. ఇక సూర్యగ్రహణం ధనస్సు రాశి వారికి కూడా శుభ ఫలితాలను ఇస్తుంది. ధనస్సు రాశి వారి ఆర్థిక స్థితి వేగంగా మెరుగుపడుతుంది. డబ్బు సంపాదించే కొత్త మార్గాలు ఏర్పడతాయి. వ్యాపారంలో లాభాలు కలుగుతాయి. మీ వ్యక్తిత్వం మెరుగుపడుతుంది. మీరు వేసే ప్రణాళికలు విజయవంతం అవుతాయి. భవిష్యత్తులో ప్రయోజనాలను అందించే కొత్త తీర్మానాలు చేస్తారు. ఈ విధంగా సూర్యగ్రహణం, చతుర్గ్రాహి యోగం ఈ 4 రాశుల వారికి ఎన్నో లాభాలను చేకూరుస్తుందని పండితులు చెబుతున్నారు.
