కస్టమర్లకు అలర్ట్: సెప్టెంబర్ లో బ్యాంకులకు 12 రోజులు సెలవులు..!

బ్యాంకు కస్టమర్లకు అలర్ట్.. వచ్చే సెప్టెంబర్ నెలలో బ్యాంకు సెలవులకు సంబంధించిన వివరాలను రిజర్వ్ బ్యాంక్ ఆఫ్ ఇండియా వెల్లడించింది. ఈ క్రమంలోనే వివిధ రాష్ట్రాలలో ఉన్న ప్రత్యేకతలను దృష్టిలో ఉంచుకొని రిజర్వ్ బ్యాంక్ సెప్టెంబర్ నెలలో ఏకంగా 12 సెలవుదినాలను ప్రకటించింది. అయితే ఎప్పుడు ఏ బ్యాంకుకు సెలవులు ఉన్నాయి.. అనే విషయానికి వస్తే..

సెప్టెంబర్ నెలలో వీకెండ్ మాత్రమే కాకుండా పండుగలు పెద్ద ఎత్తున రావడం చేత అధిక మొత్తంలో బ్యాంకు సెలవులు వచ్చాయి. సెప్టెంబర్ నెలలో 4 ఆదివారాలు, రెండవ శనివారం 4వ శనివారం కలిపి మొత్తం ఐదు రోజులు సెలవు దినాలను ప్రకటించింది. ఇకపోతే సెప్టెంబర్ 10వ తేదీ వినాయక చవితి కావడంచేత బ్యాంకులకు పలు రాష్ట్రాలలో సెలవుదినంగా రిజర్వ్ బ్యాంక్ ఆఫ్ ఇండియా ప్రకటించింది.

సెప్టెంబర్ 5వ తేదీ ఆదివారం, 8వ తేదీ శ్రీమంత శంకర తిథి కావడంచేత గౌహతి రాష్ట్రంలో బ్యాంకు సెలవు దినంగా ప్రకటించింది. సెప్టెంబర్ 9 తీజ్ కావడంతో గ్యాంగ్ టక్ లో బ్యాంకు సెలవు దినం. సెప్టెంబర్ 10 వినాయక చవితి, 11 రెండవ శనివారం, 12 ఆదివారం. సెప్టెంబర్ 17న కర్మ పూజ కావడంతో రాంచీలో బ్యాంకు సెలవు దినం. సెప్టెంబర్ 19న ఆదివారం, 20వ తేదీన ఇంద్రజాత్రా, 21న శ్రీ నారాయణ గురు సమాధి రోజు కావడంతో కొచ్చి, తిరువనంతపురంలో బ్యాంకు సెలవు. సెప్టెంబర్ 25 నాలుగవ శనివారం, 26 ఆదివారం. సెప్టెంబర్ నెలలో పండుగలు రావడం వల్ల మొత్తం 12 సెలవు దినాలను రిజర్వ్ బ్యాంక్ ప్రకటించింది.