5 సంవత్సరాలలోపు పిల్లలకు ఆధార్ తీసుకోవాలా.. ఇలా అప్లై చేయండి..

మనదేశంలో ఆధార్ కార్డ్ ఎంతో ముఖ్యమైనదని చెప్పవచ్చు. ఆధార్ కార్డు పైనే మన నిత్య, బ్యాంక్ లావాదేవీలు ఇతర కార్యకలాపాలు కొనసాగుతున్నాయి. ఆధార్ అనేది కేవలం పెద్దవారికి మాత్రమే కాకుండా పుట్టిన పిల్లలకు కూడా ఎంతో అవసరం. ఈ క్రమంలోనే చిన్న పిల్లలకు కూడా ఆధార్ కార్డ్ ఇవ్వడం మనం చూస్తుంటాము. ఈ క్రమంలోనే ఆధార్ కార్డ్ చేయడం కోసం ఐదు సంవత్సరాలలోపు చిన్నారి తల్లిదండ్రుల బయోడేటాను, చిన్నారి జనన ధ్రువీకరణ పత్రానికి సంబంధించిన సమాచారాన్ని అధికారులకు తెలియజేయాల్సి ఉంటుంది.

సాధారణంగా ఆధార్ అంటే బయోమెట్రిక్ వేయాల్సి ఉంటుంది. కాకపోతే ఐదు సంవత్సరాలలోపు పిల్లలకు బయోమెట్రిక్ తీసుకోవడం లేదని ఈ సందర్భంగా యూనిక్ ఐడెంటిఫికేషన్ అథారిటీ ఆఫ్ ఇండియా (యుఐడిఎఐ) ట్విట్టర్ ద్వారా వెల్లడించింది. బయోమెట్రిక్ అంటే వేలిముద్ర లేదా ఐరిష్ స్కానింగ్ కలిగి ఉంటుంది.ఐదు సంవత్సరాలలోపు పిల్లలకు ఈ విధమైనటువంటి బయోమెట్రిక్ అవసరం లేదని ఈ సందర్భంగా యుఐడిఎఐ వెల్లడించింది.

ఐదు సంవత్సరాలు తర్వాత నుంచి 15 సంవత్సరాల లోపు ఆ చిన్నారికి మరొకసారి బయోమెట్రిక్ అప్డేట్ చేయించాల్సి ఉంటుంది. ఈ క్రమంలోనే ఆ సమయంలో చిన్నారికి వేలిముద్ర, ఐరిష్ స్కాన్ బయోమెట్రిక్ తీసుకోనున్నట్లు తెలిపారు. కనుక ఐదు సంవత్సరాల పిల్లలకు ఎలాంటి బయోమెట్రిక్ అవసరం లేదని ఐదు సంవత్సరాల నుంచి 15 సంవత్సరాల లోపు వారి ఆధార్ కార్డ్ బయోమెట్రిక్ అప్డేట్ చేసుకుంటే సరిపోతుందని యుఐడిఎఐ తెలియజేస్తుంది.

*బాల ఆధార్ అప్లై చేయడం కోసం కోసం మొదట మీరు UIDAI అధికారిక వెబ్‌సైట్‌కు వెళ్లాలి. ఈ వెబ్‌సైట్‌లో మీరు ఆధార్ కార్డు రిజిస్ట్రేషన్ లింక్‌పై క్లిక్ చేయాలి.

*ఇక్కడ పిల్లల పేరుతోపాటు తన పుట్టిన తేదీ, తన తల్లిదండ్రుల పేర్లు చిరునామాను పూర్తి చేయాల్సి ఉంటుంది. ఈ వివరాలన్నీ పూర్తిచేసిన తర్వాత అపాయింట్మెంట్ బటన్ పై క్లిక్ చేయాలి.

*మీరు ఏ రోజు అయితే అపాయింట్మెంట్ తీసుకుంటారో ఆరోజు ఆధార్ నమోదు కేంద్రానికి వెళ్లి అక్కడ అ చిన్నారి జన పత్రాన్ని, తల్లిదండ్రుల ఆధార్ కార్డులను సమర్పించాలి.

*ఈ క్రమంలోనే బయోమెట్రిక్ సమాచారంతో పిల్లల ఆధార్ కార్డు అనుసంధానం చేస్తారు. ఐదు సంవత్సరాల కన్నా తక్కువ వయసు ఉన్న పిల్లలకి అయితే కేవలం వారి ఫోటో ఆధారంగా నమోదు చేస్తారు. ఈ విధంగా అన్ని ప్రక్రియలలో పూర్తయిన తర్వాత దరఖాస్తుదారునికి రసీదును ఇస్తారు. దీని ఆధారంగా మన ఆధార్ కార్డ్ స్థితి ఎలా ఉందో తెలుసుకోవచ్చు. ఆధార్ అప్లై చేసిన తర్వాత 60 రోజులకు మనకు ఎస్ఎంఎస్ వస్తుంది. ఇలా రాగానే ఆధార్ నమోదు సెంటర్ కు వెళ్లి ఆధార్ కార్డును డౌన్లోడ్ చేసుకోవచ్చు.