గతేడాది కోవిడ్ వల్ల ప్రపంచవ్యాప్తంగా ఉన్న యూజర్లకు మరింత సౌకర్యాన్ని కల్పించేందుకు టెక్ దిగ్గజ సంస్థలు యాపిల్, గూగుల్లు పలు టూల్స్ను అందుబాటులోకి తెచ్చాయి. దీని వల్ల ప్రజలకు కోవిడ్పై మరింత సమాచారం అందింది. అయితే తాజాగా గూగుల్ మరో కొత్త టూల్ను అందుబాటులోకి తెచ్చింది. దీని సహాయంతో దేశంలో ఉన్న కోవిడ్ వ్యాక్సిన్ సెంటర్ల వివరాలను తెలుసుకోవచ్చు.
స్మార్ట్ ఫోన్ల వినియోగదారులు తమ తమ ఫోన్లలో గూగుల్ మ్యాప్స్ లేదా గూగుల్ సెర్చ్లో తమకు సమీపంలోని కోవిడ్ టీకా కేంద్రాల గురించి వెదకవచ్చు. దీంతో వెంటనే రిజల్ట్స్లో ఆ వివరాలు కనిపిస్తాయి. ప్రస్తుతం కేవలం భారత్లోని యూజర్లకు మాత్రమే ఈ ఫీచర్ అందుబాటులో ఉంది. త్వరలో అమెరికా, కెనడా, ఫ్రాన్స్, చిలీ, సింగపూర్ దేశాల యూజర్లకు కూడా ఈ ఫీచర్ అందుబాటులోకి రానుంది.
ఇక గూగుల్ ఇప్పటికే పేద దేశాల ప్రజలకు వ్యాక్సిన్లను పంపిణీ చేసేందుకు ఆర్థిక సహాయం చేస్తామని తెలిపింది. అందులో భాగంగానే గూగుల్ 250 మిలియన్ డాలర్లను సహాయంగా అందించనుంది. ఇందులో భాగంగా 2.50 లక్షల మందికి టీకాలు అందనున్నాయి.
