ఐపీఎల్ 2021: కోల్‌క‌తాపై బెంగ‌ళూరు ఘ‌న విజ‌యం

చెన్నైలో జ‌రిగిన ఇండియ‌న్ ప్రీమియ‌ర్ లీగ్ (ఐపీఎల్‌) 2021 టోర్నీ 10వ మ్యాచ్‌లో బెంగ‌ళూరు విజ‌యం సాధించింది. ఆ జ‌ట్టు నిర్దేశించిన ల‌క్ష్యాన్ని ఛేదించే క్ర‌మంలో కోల్‌క‌తా వెనుక‌బ‌డింది. ప‌లువురు బ్యాట్స్‌మెన్ ప్ర‌య‌త్నాలు చేసినా వికెట్లు కోల్పోవ‌డంతో కోల్‌క‌తా ప‌రుగులు చేయ‌లేక‌పోయింది. దీంతో కోల్‌క‌తాపై బెంగ‌ళూరు 38 ప‌రుగుల తేడాతో ఘ‌న విజ‌యం సాధించింది.

మ్యాచ్‌లో టాస్ గెలిచిన రాయ‌ల్ చాలెంజ‌ర్స్ ముందుగా బ్యాటింగ్ చేసింది. ఈ క్ర‌మంలో ఆ జ‌ట్టు నిర్ణీత 20 ఓవ‌ర్ల‌లో 4 వికెట్ల న‌ష్టానికి 204 ప‌రుగులు చేసింది. బెంగ‌ళూరు బ్యాట్స్‌మెన్ల‌లో గ్లెన్ మాక్స్‌వెల్‌, ఏబీ డివిలియ‌ర్స్‌లు అద్భుతంగా రాణించారు. 49 బంతుల్లో 9 ఫోర్లు, 3 సిక్సర్ల‌తో మాక్స్‌వెల్ 78 ప‌రుగులు చేయ‌గా, 34 బంతుల్లో 9 ఫోర్లు, 3 సిక్స‌ర్ల‌తో డివిలియ‌ర్స్ 76 ప‌రుగులు చేసి నాటౌట్‌గా నిలిచాడు. కోల్‌క‌తా బౌల‌ర్ల‌లో వ‌రుణ్ చ‌క్ర‌వ‌ర్తి 2 వికెట్లు తీయ‌గా, ప్యాట్ క‌మ్మిన్స్‌, ప్ర‌సిద్ కృష్ణ‌ల‌కు చెరొక వికెట్ ద‌క్కింది.

అనంత‌రం బ్యాటింగ్ చేసిన కోల్‌క‌తా 20 ఓవ‌ర్ల‌లో 8 వికెట్ల న‌ష్టానికి 166 ప‌రుగులు మాత్ర‌మే చేయ‌గ‌లిగింది. ఆ జ‌ట్టు బ్యాట్స్‌మెన్ల‌లో ఆండ్రు ర‌స్సెల్‌, ఇయాన్ మోర్గాన్‌లు ఫ‌ర్వాలేద‌నిపించారు. 20 బంతుల్లో 3 ఫోర్లు 2 సిక్స‌ర్ల‌తో ర‌స్సెల్ 31 ప‌రుగులు చేయ‌గా, 23 బంతుల్లో 1 ఫోర్‌, 2 సిక్స‌ర్ల‌తో మోర్గాన్ 29 ప‌రుగులు చేశాడు. బెంగ‌ళూరు బౌల‌ర్ల‌లో కైలీ జేమిస‌న్ 3 వికెట్లు ప‌డ‌గొట్టాడు. చాహ‌ల్‌, హ‌ర్ష‌ల్ ప‌టేల్‌లు చెరో 2 వికెట్ల చొప్పున తీశారు. వాషింగ్ట‌న్ సుంద‌ర్‌కు 1 వికెట్ ద‌క్కింది.