మరికొద్ది రోజుల్లో ఐపీఎల్ 2021 రెండో దశ జరగనున్న నేపథ్యంలో ఫ్రాంచైజీలకు గట్టి షాక్ తగిలింది. పలువురు ఇంగ్లండ్ క్రికెటర్లు ఐపీఎల్లో ఆడబోవడం లేదని తేల్చి చెప్పారు. ఇటీవల భారత్, ఇంగ్లండ్ ల మధ్య మాంచెస్టర్లో 5వ టెస్టు జరగాల్సి ఉంది. కానీ కోవిడ్ భయంతో భారత్ మ్యాచ్ ఆడేందుకు నిరాకరించింది. దీంతో ఇంగ్లండ్ క్రికెట్ బోర్డు మ్యాచ్ను రద్దు చేసింది.
అయితే 5వ టెస్టు మ్యాచ్ను భారత ఆడని కారణంగా ఇంగ్లండ్ క్రికెటర్లు ప్రతీకారం తీర్చుకున్నారు. సన్రైజర్స్ హైదరాబాద్, ఢిల్లీ క్యాపిటల్స్, పంజాబ్ కింగ్స్ జట్లకు ఆడుతున్న జానీ బెయిర్ స్టో, క్రిస్ వోక్స్, డేవిడ్ మలన్లు ఈ దశ ఐపీఎల్లో ఆడబోవడం లేదని చెప్పారు. అయితే పంజాబ్ కింగ్స్ మాత్రం వెంటనే నష్ట నివారణ చర్యలు ప్రారంభించింది. ఎయిడెన్ మార్కరమ్ను రీప్లేస్మెంట్ కింద తీసుకుంది.
అయితే నిజానికి ఈ విషయంలో ఇంగ్లండ్ ప్లేయర్లను తప్పుపట్టాల్సిన పనిలేదు. ఎందుకంటే బయో సెక్యూర్ బబుల్లో ఉండి కూడా కోవిడ్ నిబంధనలకు విరుద్ధంగా విరాట్ కోహ్లి, కోచ్ రవిశాస్త్రిలు వ్యవహరించారు. వారు హోటల్లో ఉండకుండా బయట పలు కార్యక్రమాలకు హాజరయ్యారు. దీంతో కోచ్ శాస్త్రితోపాటు మరో ఇద్దరు సహాయక కోచ్లకు కోవిడ్ సోకింది. అయితే 5వ టెస్టుకు ముందు పరీక్షలు నిర్వహించగా అందరికీ కోవిడ్ నెగెటివ్ వచ్చింది. అయినప్పటికీ మ్యాచ్ను ఆడేందుకు కోహ్లి అండ్ కో నిరాకరించారు. దీంతో 5వ టెస్టు క్యాన్సిల్ అయింది.
