Upasana : మూడు సంవత్సరాల నుంచి అభిమానులు, సినీ ప్రేమికులు ఎంతో ఆతృతగా ఎదురు చూసిన RRR సినిమా ఎట్టకేలకు నేడు ప్రేక్షకుల ముందుకు వచ్చింది. ఈ క్రమంలోనే సాధారణ అభిమానుల నుంచి సెలబ్రిటీల వరకు థియేటర్ల బాట పట్టి ఈ సినిమాని చూస్తూ ఎంజాయ్ చేస్తున్నారు. ఇక మెగా పవర్ స్టార్ రామ్ చరణ్ భార్య ఉపాసన సైతం థియేటర్ కి వెళ్లి ఈ సినిమాని చూస్తూ ఎంజాయ్ చేశారు.
ఈ సినిమాని చూడటం కోసం ఉపాసన థియేటర్ కి వెళ్లి రామ్ చరణ్ ఎంట్రీ ఇవ్వగానే పెద్దగా కేకలు వేస్తూ పేపర్లు చింపి గాల్లోకి విసిరారు. అంతేకాకుండా రామ్ చరణ్, ఎన్టీఆర్ కలిసి నటించిన నాటు నాటు పాట రాగానే ఎంతో సంతోషంతో పేపర్లు చింపి గాల్లోకి విసురుతూ ఎంజాయ్ చేశారు.
ప్రస్తుతం ఉపాసనకు సంబంధించిన ఈ ఫోటోలు వీడియో సోషల్ మీడియా వైరల్ గా మారాయి. ఇక మూడు సంవత్సరాల నుంచి ఎంతో ఆతృతగా ఎదురుచూస్తున్న అభిమానులు పెద్ద ఎత్తున థియేటర్లకు వెళ్లి ఈ సినిమాని వీక్షిస్తూ సినిమా సూపర్ హిట్ అంటూ రివ్యూలు ఇస్తున్నారు.
