RRR : ఆర్ఆర్ఆర్ మూవీలో ఆ సీన్లే హైలైట్‌.. చూసి తీరాల్సిందేన‌బ్బా..!

RRR : యావత్ సినీ ప్రపంచం మొత్తం, సినీ ప్రేమికులు, ఎన్టీఆర్ అభిమానులు, రామ్ చరణ్ అభిమానులు గత మూడు సంవత్సరాల నుంచి ఎంతో ఆతృతగా ఎదురుచూస్తున్న సినిమా RRR. ఈ సినిమా దేశవ్యాప్తంగా నేడు విడుదల కావడంతో సంచలనాలు సృష్టిస్తోంది. దేశ వ్యాప్తంగా ఇప్పటికే ఈ సినిమా విడుదల అయ్యి అద్భుతమైన విజయాన్ని సొంతం చేసుకుంది. ఈ క్రమంలోనే ఈ సినిమాను చూడడం కోసం పెద్ద ఎత్తున అభిమానులు థియేటర్ల వద్దకు చేరుకుంటున్నారు.

ఈ సినిమా చూసిన అనంతరం ఎంతోమంది అభిమానులు ట్విట్టర్ ద్వారా సినిమాకు రివ్యూ ఇస్తున్నారు. ఈ సందర్భంగా ట్విట్టర్ ద్వారా అభిమానులు స్పందిస్తూ సినిమా అద్భుతంగా ఉందని, రామ్ చరణ్, ఎన్టీఆర్ ల‌ ఇంట్రడక్షన్ లు వేరే లెవెల్.. అంటూ ట్వీట్లు చేస్తున్నారు. ఇంటర్వెల్ బ్లాక్ అదిరిపోయినట్లుగా పోస్ట్‌‌లు పెడుతున్నారు. ఇక ఈ సినిమాలో ఎన్టీఆర్ చేసిన నాటు నాటు పాట వచ్చినప్పుడు ఏ ఒక్కరు కూడా కూర్చో లేదు.

సీత పాత్రలో నటించిన ఆలియాభట్ ఎంట్రీ ఇవ్వడంతో సినిమా గమనమే మారుతుందని, రాజమౌళి సినిమాని ముందుకు తీసుకెళ్ళిన విధానం ఎంతో అద్భుతంగా ఉందని నిజంగానే దర్శకుడు రాజమౌళికి హాట్సాఫ్ అంటూ అభిమానులు ట్విట్టర్ ద్వారా త‌మ‌ అభిప్రాయాలను తెలియజేస్తున్నారు. థియేటర్ మొత్తం చరణ్, తారక్ ల పేర్లు మార్మోగిపోతున్నాయి. ఈ క్ర‌మంలోనే ఇద్ద‌రు హీరోల ఇంట్ర‌డ‌క్ష‌న్ సీన్లు, ఇంట‌ర్వెల్ బ్లాక్‌, క్లైమాక్స్ అదిరిపోయాయ‌ని ఫ్యాన్స్ చెబుతున్నారు. దీంతో ఈ సినిమాపై ప్రేక్ష‌కుల్లో మ‌రింత ఆస‌క్తి నెల‌కొంది.