ముగ్గురు నంద‌మూరి హీరోల సినిమాల్లో.. ఈ కామ‌న్ పాయింట్‌ను గ‌మ‌నించారా..?

వరుస విజయాలతో నందమూరి అభిమానులు పండగ చేసుకుంటున్నారు. అఖండతో బాలయ్య బాబు, ఆర్ఆర్ఆర్ తో ఎన్టీఆర్, ఎప్పుడు బింబిసారతో కళ్యాణ్ రామ్ బాక్సాఫీస్ వద్ద ఘన విజయాన్ని సాధించారు. ఒక ఎన్టీఆర్ మినహా బాలకృష్ణ, కళ్యాణ్ రామ్ వరుస పరాజయాలతో సతమతమయ్యారు. అఖండ, బింబిసారతో ఇద్దరూ హిట్ ల‌ను ఖాతాలో వేసుకుని సక్సెస్ ఫామ్ లోకి వచ్చేశారు. కోవిడ్ కారణంగా సంక్షోభంలో ఉన్న ఇండస్ట్రీకి సక్సెస్ తో భారీ చిత్రాలు నిర్మించడానికి కొత్త ఊపిరి పోశారు.

నందమూరి అభిమానులు సైతం తమ  హీరోల సినిమాల  సక్సెస్ తో పండగ చేసుకుంటున్నారు. ఇప్పుడు ఈ ముగ్గురు హీరోలు నటించిన చిత్రాలలో యాదృచ్ఛికంగా ఒక విషయం అందరినీ ఆకర్షించింది. ఇప్పుడు ఈ విషయమే హాట్ టాపిక్ గా మారింది. ఇంతకీ ఏంటి ఆ విషయం అనుకుంటున్నారా.. మరి ఆ ఆస‌క్తికరమైన విషయం ఏంటి అని మీరు కూడా ఒకసారి తెలుసుకోవాలి అనుకుంటే అసలు విషయంలోకి వెళ్లాల్సిందే..

బోయపాటి శ్రీను దర్శకత్వంలో నందమూరి బాలకృష్ణ ద్విపాత్రాభినయంలో నటించిన చిత్రం అఖండ. గత ఏడాది డిసెంబర్ 17న విడుదలైన ఈ చిత్రం ఘన విజయాన్ని సాధించింది. ఈ చిత్రంలో ఒక పాప పాత్ర మెయిన్ కాన్సెప్ట్  కావడం విశేషం. ఈ చిత్రంలో ప్రజ్ఞా జైస్వాల్, బాలయ్య బాబుకు ఒక పాప కూతురుగా నటించింది. ఈ పాపను కాపాడే నేపథ్యంలో అజ్ఞాతంలో ఉన్న మరో బాలయ్య బయటకు రావడంతో అసలు కథ మొదలవుతుంది. సెకండాఫ్ మొత్తం పాప చుట్టూనే తిరుగుతూ శత్రువులతో పోరాడి అంతం చేస్తాడు అఖండ. ఈ పాప సెంటిమెంట్ వలన ఈ చిత్రం విజయం సాధించడంలో కీలక పాత్ర పోషించిందని చెప్పవచ్చు.

రాజమౌళి దర్శకత్వంలో వచ్చిన RRR చిత్రం కూడా పాప సెంటిమెంట్ ప్రధానాంశంగా నిలిచిందని చెప్పవచ్చు. పాప కోసం రామ్ చరణ్, ఎన్టీఆర్ కొట్టుకోవడం, అంతేకాకుండా ఎన్టీఆర్ బ్రిటిష్ వారిని ఎదిరించి వాళ్లను మట్టుపెట్టడం జరుగుతుంది. అయితే ఈ చిత్రంలో కూడా ఒక పాప సెంటిమెంట్ కీలక పాత్రను పోషించింది.

అదేవిధంగా ఈ ఆగస్టు 5న విడుదలైన బింబిసార కూడా బాక్సాఫీస్ వద్ద ఘన విజయం సాధించింది. దర్శకుడు వశిష్ట ఒక పవర్‌ఫుల్ కథాంశంతో ప్రేక్షకులను ఎంతగానో ఆకట్టుకున్నాడు. ఇకపోతే బింబిసార చిత్రంలో కూడా పాప సెంటిమెంట్ అనేది హైలెట్ గా నిలిచింది. బింబిసార చిత్రంలో కళ్యాణ్ రామ్ ప్రాణాలు కాపాడి అతడిని మంచివాడిగా మార్చే కథాంశంలో పాప కీలక పాత్ర పోషించింది.

ఈ చిత్రంలో పాపపై ప్రత్యేక పాట ఉండడం కూడా అందరినీ ఆకర్షించింది. ఎప్పటి నుంచో సరైన సక్సెస్ లేక సతమతమవుతున్న కళ్యాణ్ రామ్ కి పాప సెంటిమెంట్ బాగా కల‌సి వచ్చిందని చెప్పవచ్చు. యాదృచ్ఛికంగా ఈ మూడు సినిమాలకు విజయాలకు పాప సెంటిమెంట్ కామన్ ఎలిమెంట్ గా నిలిచి.. కలిసి వచ్చిందని చెప్పవచ్చు.