The Ghost Movie OTT : అక్కినేని నాగార్జున నటించిన లేటెస్ట్ మూవీ ది ఘోస్ట్ దసరా కానుకగా 5న భారీ అంచనాల మధ్య రిలీజ్ అయ్యింది. ఈ సినిమాను దర్శకుడు ప్రవీణ్ సత్తారు తెరకెక్కించగా ఈ సినిమాలో నాగ్ ఇంటర్‌పోల్ ఆఫీసర్ పాత్రలో నటించాడు. సిస్ట‌ర్ సెంటిమెంట్ నేప‌థ్యంలో సాగే ఈ అవుట్ అండ్ అవుట్ హై ఓల్టేజ్ యాక్షన్ మూవీ దసరా పండ‌గ కానుకగా ప్రేక్ష‌కుల ముందుకు వచ్చింది. ఈ సినిమాపై భారీ అంచ‌నాలున్నాయి. నాగార్జున కూడా ఈ మూవీతో సూప‌ర్ హిట్‌ను ఖాతాలో వేసుకోవాల‌ని తెగ ముచ్చ‌ట ప‌డ్డాడు.
విడుదలకు ముందు రిలీజ్ చేసిన ట్రైలర్‌కు మూవీ లవర్స్ నుంచి మంచి రెస్పాన్స్ వచ్చింది. అయితే చిరంజీవి గాడ్ ఫాదర్ చిత్రంతో పోటీపడిన ఈ మూవీ మార్నింగ్ షో నుంచే డివైడ్ టాక్ తెచ్చుకుంది. ఇదిగా ఉండగా ఈ చిత్రం ఓటీటీ రిలీజ్ కు సంబంధించిన అఫీషియల్ న్యూస్ బయిటకు వచ్చింది. పూర్తి యాక్షన్ ఎంటర్‌టైనర్‌గా వచ్చిన ది ఘోస్ట్ చిత్రానికి సంబంధించిన డిజిటల్ రైట్స్‌ను ప్రముఖ ఓటీటీ ప్లాట్‌ఫాం నెట్‌ఫ్లిక్స్ సొంతం చేసుకున్నట్లు చిత్ర వర్గాలు చెబుతున్నాయి.
ఈ సినిమా రైట్స్‌ను భారీ మొత్తానికి నెట్‌ఫ్లిక్స్ కొనుగోలు చేసిందట. అయితే ఈ సినిమాకు వచ్చే రెస్పాన్స్‌ను బట్టి ఈ మూవీని ఓటీటీలో స్ట్రీమింగ్ చేసేలా చిత్ర యూనిట్‌తో నెట్‌ఫ్లిక్స్ ఒప్పందం చేసుకుందట. నాగ్ సరసన అందాల భామ సోనాల్ చౌహాన్ ఈ సినిమాలో హీరోయిన్ గా నటించగా గుల్ పనాగ్, మనీష్ చౌదరి, రవి వర్మ తదితరులు ఇతర ముఖ్య పాత్రల్లో నటించారు. మార్క్ కె రాబిన్ సంగీతం అందించిన ఈ సినిమాను సునీల్ నారంగ్, పుస్కుర్ రామ్ మోహన్ రావు, శరత్ మరార్ సంయుక్తంగా ప్రొడ్యూస్ చేశారు.
