Temper Movie : టాలీవుడ్ యంగ్ టైగర్ జూనియర్ ఎన్టీఆర్ నటించిన టెంపర్ సినిమా ఎంత హిట్ అయ్యిందో తెలిసిందే. ఈ సినిమాలో పోసాని కృష్ణమురళి చేసిన మూర్తి పాత్ర కూడా ప్రేక్షకుల్లో గుర్తుండిపోయింది. ఎన్టీఆర్ అవినీతిని నేరుగా ప్రశ్నించే పాత్ర అది. ముఖ్యంగా ఎన్టీఆర్.. మూర్తి సెల్యూట్ చేయండి.. అని అడిగినప్పుడు.. నా చేతిని అయినా నరుక్కుంటా గానీ మీకు మాత్రం సెల్యూట్ చేయను సార్ అని చెప్పే డైలాగ్ సినిమాకే హైలెట్ గా నిలిచింది. ఈ పాత్రకు డైరెక్టర్ పూరీ జగన్నాథ్ ముందుగా ఆర్.నారాయణ మూర్తిని ఊహించుకుని ఆ పాత్ర రాసుకున్నారట.
అందుకే ఈ పాత్రకు మూర్తి అనే పేరును పెట్టారు. ఈ విషయం ఆయనకు చెప్పి ఒప్పించే ప్రయత్నంలో ఆర్.నారాయణ్ మూర్తి రిజెక్ట్ చేశారట. ఈ విషయంలో ఆర్.నారాయణమూర్తిని ఒప్పించే విషయంలో ఎన్టీఆర్ కూడా ట్రై చేశారట. అసలు టెంపర్ సినిమాలో ఆ పాత్రను ఎందుకు రిజెక్ట్ చేయాల్సి వచ్చిందో రీసెంట్ గా జరిగిన ఓ ఇంటర్య్వూలో తెలిపారు. నిజానికి టెంపర్ సినిమాలో మూర్తి అనే పాత్ర ఎంతో డిఫరెంట్ గా ఉంటుంది. తనతో ఓ గొప్ప వేషం వేయించాలని పూరీ జగన్నాథ్ అనుకున్నారని.. ఆ క్యారెక్టర్ తనకు ఎంతో ఉపయోగపడేలా ఉండాలని అనుకున్నారట.
అంత గొప్ప పాత్రను తనకు ఇవ్వాలని అనుకున్న డైరెక్టర్ పూరీ జగన్నాథ్ కు సెల్యూట్ అని అన్నారు. అయితే ఆ పాత్రను చేయాలని జూనియర్ ఎన్టీఆర్ కూడా ఎంతో ప్రేమగా అడిగారని నారాయణమూర్తి తెలిపారు. కానీ ఆయన ఒప్పుకోకపోవడానికి కారణం.. ఆర్.నారాయణమూర్తి కెరీర్ ను స్టార్ట్ చేశాక.. క్యారెక్టర్ ఆర్టిస్టు నుండి హీరోగా ఎదిగానని, మళ్ళీ ఇప్పుడు క్యారెక్టర్ ఆర్టిస్ట్ గా చేయలేక ఆ పాత్రను వదులుకున్నానని అన్నారు. అంతే తప్ప మరే కారణం లేదని అన్నారు. అలా టెంపర్ సినిమా నుండి ఛాన్స్ కాదనుకున్నానని.. ఆర్.నారాయణ మూర్తి తెలిపారు.
స్పందించండి