T20 World Cup 2021 : షార్జాలో జరిగిన ఐసీసీ టీ20 వరల్డ్ కప్ 2021 టోర్నీ 41వ మ్యాచ్లో స్కాట్లండ్పై పాకిస్థాన్ గెలుపొందింది. పాక్ నిర్దేశించిన భారీ లక్ష్యాన్ని స్కాట్లండ్ ఛేదించలేకపోయింది. ఈ క్రమంలో స్కాట్లండ్పై పాక్ 72 పరుగులు భారీ తేడాతో ఘన విజయం సాధించింది.
మ్యాచ్లో టాస్ గెలిచిన పాకిస్థాన్ ముందుగా బ్యాటింగ్ చేసింది. ఈ క్రమంలో పాక్ జట్టు నిర్ణీత 20 ఓవర్లలో 4 వికెట్ల నష్టానికి 189 పరుగులు చేసింది. కెప్టెన్ బాబర్ అజం, షోయబ్ మాలిక్లు అర్థ సెంచరీలతో చెలరేగిపోయారు. 47 బంతుల్లో అజం 5 ఫోర్లు, 3 సిక్సర్లతో 66 పరుగులు చేయగా, మాలిక్ 18 బంతుల్లోనూ 1 ఫోర్, 6 సిక్సర్లతో 54 పరుగులు చేసి నాటౌట్గా నిలిచాడు. స్కాట్లండ్ బౌలర్లలో క్రిస్ గ్రీవ్స్ 2 వికెట్లు తీయగా, హంజా తాహిర్, సఫ్యాన్ షరీఫ్లకు చెరొక వికెట్ దక్కింది.
అనంతరం బ్యాటింగ్ చేసిన స్కాట్లండ్ 20 ఓవర్లలో 6 వికెట్ల నష్టానికి 117 పరుగులు మాత్రమే చేసింది. స్కాట్లండ్ బ్యాట్స్మెన్లలో రిచీ బెరింగ్టన్ మాత్రమే రాణించాడు. 37 బంతుల్లో 4 ఫోర్లు, 1 సిక్సర్తో 54 పరుగులు చేసి నాటౌట్గా నిలిచాడు. పాక్ బౌలర్లలో షాదాబ్ ఖాన్ 2 వికెట్లు తీయగా, షాహీన్ షా అఫ్రిది , హారిస్ రౌఫ్, హసన్ అలీలు తలా 1 వికెట్ తీశారు.
కాగా మొదటి రౌండ్ మ్యాచ్లు ముగియడంతో సెమీస్ వెళ్లే జట్లు ఖరారయ్యాయి. గ్రూప్ 1 నుంచి ఇంగ్లండ్, ఆస్ట్రేలియా, గ్రూప్ 2 నుంచి పాకిస్థాన్, న్యూజిలాండ్లు సెమీస్కు వెళ్లాయి. ఈ క్రమంలోనే ఈ నెల 10వ తేదీన మొదటి సెమీఫైనల్ ఇంగ్లండ్, న్యూజిలాండ్ జట్ల మధ్య అబుధాబిలో జరగనుంది. అలాగే రెండో సెమీ ఫైనల్ ఈ నెల 11వ తేదీన పాకిస్థాన్, ఆస్ట్రేలియా జట్ల మధ్య దుబాయ్లో జరగనుంది. నవంబర్ 14న దుబాయ్ లోనే ఫైనల్ మ్యాచ్ను నిర్వహిస్తారు. ఇక భారత్ సోమవారం నమీబియాతో తలపడనుంది. అందులో విజయం సాధించినా ప్రభావం ఏమీ ఉండదు.
