T20 World Cup 2021 : గత కొద్ది రోజులుగా యూఏఈలో ఐసీసీ 20 వరల్డ్ కప్ 2021 టోర్నీ ఎంతో ఉత్సాహంగా కొనసాగిన విషయం విదితమే. ఈ టోర్నమెంట్లో అనేక జట్లు తలపడ్డాయి. అయితే భారత్ సహా, హేమాహేమీలుగా ఉన్న కొన్ని జట్లు సెమీ ఫైనల్కు అర్హత సాధించలేక బొక్క బోర్లా పడ్డాయి. ఈ క్రమంలో సెమీ ఫైనల్లో విజేతలుగా నిలిచిన న్యూజిలాండ్, ఆస్ట్రేలియా జట్ల మధ్య నేడు ఫైనల్ మ్యాచ్ జరగనుంది. దుబాయ్లో రాత్రి 7.30 గంటలకు టీ20 వరల్డ్ కప్ 2021 ఫైనల్ మ్యాచ్ జరగనుంది. దీంతో ఈ మ్యాచ్ లో ఎవరు గెలుస్తారు ? కప్ ఎవరు కొడతారు ? అని క్రికెట్ అభిమానులు ఆసక్తిగా ఎదురు చూస్తున్నారు.
అయితే గత మ్యాచ్లను పరీక్షిస్తే ఈ రెండు జట్ల మధ్య జరిగిన మ్యాచ్లలో ఆస్ట్రేలియానే ఎల్లప్పుడూ పైచేయి సాధిస్తూ వస్తోంది. గతంలో ఈ రెండు జట్ల మధ్య పలు టోర్నీల్లో జరిగిన నాకౌట్ మ్యాచ్లలో మొత్తం 17 మ్యాచ్లకు గాను 16 మ్యాచ్లలో ఆస్ట్రేలియానే విజయం సాధించింది. దీంతో ఆస్ట్రేలియానే ఫేవరెట్ అని అంటున్నారు. అయితే ఇది టీ20 క్రికెట్ కనుక ఎలాంటి సంచలనాలు అయినా నమోదు కావచ్చు. న్యూజిలాండ్ కూడా మేటి బౌలర్లు, బ్యాట్స్మెన్ తో దుర్బేధ్యంగా ఉంది. కనుక ఆ జట్టును కూడా తక్కువగా అంచనా వేయవద్దు.
ఇక టైటిల్ ఫేవరెట్ ఆస్ట్రేలియా అయినప్పటికీ న్యూజిలాండ్ను కూడా చాలా మంది సపోర్ట్ చేస్తున్నారు. ఎలాగైనా కప్ సాధించాలని కేన్ విలియమ్సన్ నేతృత్వంలోని న్యూజిలాండ్ జట్టు శత విధాలా ప్రయత్నిస్తోంది.
మొదట బ్యాటింగ్ చేసిన జట్టును రెండో జట్టు 150-160 పరుగులకు కట్టడి చేస్తే విజయం సాధించడం సులభమే అని విశ్లేషకులు అంటున్నారు. అయితే మొదట బ్యాటింగ్ చేసిన జట్టు విజయం సాధించాలంటే.. కనీసం 180 పరుగులు అయినా చేయాలని అంటున్నారు. ఈ క్రమంలోనే స్కోరుపైనే మ్యాచ్ ఫలితం ఆధార పడి ఉంటుందని తెలుస్తోంది.
ఇక తుది జట్టులో ఆస్ట్రేలియాలో.. డేవిడ్ వార్నర్, ఆరోన్ ఫించ్, మిచెల్ మార్ష్, స్టీవెన్ స్మిత్, గ్లెన్ మాక్స్వెల్, మార్కస్ స్టాయినిస్, మాథ్యూ వేడ్, ప్యాట్ కమ్మిన్స్, మిచెల్ స్టార్క్, ఆడమ్ జంపా, జోష్ హేజల్వుడ్ ఉంటారని తెలుస్తోంది. ఆస్ట్రేలియా మార్పులేమీ లేకుండానే ఫైనల్ మ్యాచ్లో బరిలోకి దిగుతుందని తెలుస్తోంది.
ఇక న్యూజిలాండ్ తుది జట్టులో.. మార్టిన్ గప్తిల్, డెరిల్ మిచెల్, కేన్ విలియమ్సన్, టిమ్ స్టెయిఫెర్ట్, గ్లెన్ ఫిలిప్స్, జేమ్స్ నీషమ్, మిచెల్ స్టాన్టనర్, టిమ్ సౌతీ, ఆడమ్ మిల్నె, ట్రెంట్ బౌల్ట్, ఇష్ సోధీ.. ఉండనున్నట్లు తెలుస్తోంది.
టీ20 ప్రపంచ కప్ 2026 ట్రోఫీ సాధించిన అనంతరం యావత్ భారతదేశం సంతోషంలో మునిగిపోగా టీమిండియా ప్లేయర్లు తమ కుటుంబ…
కువైట్ నుంచి తాను సురక్షితంగా ఇండియాకు చేరుకున్నానని నటి ఊర్వశి రౌటేలా వెల్లడించింది. తాను ముంబైకి చేరుకున్నానని చెబుతూ ఆమె…
టీ20 వరల్డ్ కప్ 2026లో విజయం సాధించిన భారత క్రికెట్ జట్టుకు భారత క్రికెట్ నియంత్రణ మండలి (బీసీసీఐ) భారీ…
ప్రతి ఏడాదిలాగే ఈసారి కూడా ఆస్కార్ సందడి మొదలైంది. 2025 సంవత్సరానికి ఇచ్చే ఆస్కార్ అవార్డుల కార్యక్రమాన్ని ఈ నెల…
భారతదేశాన్ని తొలిసారి సందర్శించే ఎవరికైనా ఈ దేశంలోని ఆహార సంస్కృతి అద్భుతమైన అనుభూతిని కలిగిస్తుందని నటి ప్రియాంక చోప్రా అన్నారు.…
భారత జట్టు ఐసీసీ పురుషుల టీ20 ప్రపంచకప్ 2026ను గెలుచుకున్న అనంతరం క్రికెటర్ హార్దిక్ పాండ్యా వ్యక్తిగత జీవితం మరోసారి…
ఐకాన్ స్టార్ అల్లు అర్జున్ ఇటీవలే తన 15వ వివాహ వార్షికోత్సవం సందర్భంగా భార్య స్నేహా రెడ్డికి విలాసవంతమైన మెర్సిడెస్-బెంజ్…
ఇండియన్ ప్రీమియర్ లీగ్ (ఐపీఎల్) 19వ ఎడిషన్ మార్చి 28, 2026న ప్రారంభం కానుంది. ఈ తేదీని అధికారిక ప్రసార…