Suma : శర్వానంద్, సిద్ధార్థ్ లు మల్టీ స్టారర్ లుగా తెరకెక్కుతున్న లేటెస్ట్ సినిమా మహా సముద్రం. ఆర్ ఎక్స్ 100 డైరెక్షర్ అజయ్ భూపతి తెరక్కించిన యాక్షన్, లవ్, డ్రామాలో అనూ ఇమ్మాన్యూయేల్, అదితిరావు హైదరి హీరోయిన్లుగా యాక్ట్ చేస్తున్నారు. ఈ సినిమాని అక్టోబర్ 14న ప్రేక్షకుల ముందుకు తీసుకురానున్నారు. ఈ సినిమా ప్రీ రిలీజ్ ఈవెంట్ ని రీసెంట్ గా సెలెబ్రేట్ చేశారు. ఈ ప్రోగ్రామ్ లో యాంకర్ సుమ.. హీరోలైన శర్వానంద్, సిద్ధార్థ్ లను కొన్ని ఇంట్రెస్టింగ్ క్వశ్చన్స్ ని అడిగారు. ఈ సినిమాలో సిద్ధార్థ్, శర్వానంద్ లు ఫ్రెండ్స్ గా యాక్ట్ చేశారు.
అలాగే రియల్ లైఫ్ లో కూడా ఎంతో కొంత ఒకరి గురించి ఒకరికి తెలిసే ఉంటుందని.. అందుకే కొన్ని క్వశ్చన్స్ అడుగుతానని అన్నారు. శర్వానంద్ ని.. సిద్ధార్ధ్ చదువుకున్న స్కూల్ పేరేంటని అడిగితే చెన్నై, ఢిల్లీలో చదువుకున్నారని అనడంతో కరెక్ట్ అని సిద్ధార్థ్ అన్నాడు. నెక్ట్స్ సిద్ధార్థ్ ని క్వశ్చన్ అడుగుతూ.. శర్వానంద్ హైదరాబాద్ లో ఏ స్కూల్ లో చదివారని అడగటం.. సిద్ధార్థ్ కరెక్ట్ ఆన్సర్ ఇవ్వడం.. హైలెట్ అంటుంది సుమ. నెక్ట్స్ శర్వానంద్ ని సిద్ధార్థ్ తమిళ్ లో వర్క్ చేసిన ఓ సినిమాని తెలుగులో బాయ్స్ అని పేరుతో డబ్బింగ్ చేశారని.. మరి తమిళంలో ఆ సినిమా పేరేంటని అడిగితే బాయ్స్ అని చెప్తాడు.
ఆ తర్వాత సిద్ధార్థ్ ని.. శర్వానంద్ ఫస్ట్ టైమ్ ఓ యాడ్ లో వర్క్ చేశారని ఆ యాడ్ కనిపించిన ప్రముఖ హీరో ఎవరని అడిగితే మెగాస్టార్ అని వెంటనే చెప్పేస్తాడు. 2006 లో శర్వానంద్ అమ్మ చెప్పింది అనే సినిమా రిలీజ్ అయిన సంగతి తెలిసిందే. అదే సంవత్సరంలో సిద్ధార్థ్ బ్లాక్ బస్టర్ సినిమా రిలీజ్ అయ్యింది.. అది ఏ సినిమా అని శర్వానంద్ ని సుమ అడిగితే బొమ్మరిల్లు అని చెప్తాడు.
సిద్ధార్థ్ ని క్వశ్చన్ చేస్తూ.. శర్వానంద్ యాక్ట్ చేసిన శతమానం భవతి సినిమా ఆడియో ఫంక్షన్ కి యాంకరింగ్ చేసింది ఎవరని అడగ్గా.. ఈ ఆడియో ఫంక్షన్ కి ఓ కత్తి లాంటి ఫిగర్ యాంకరింగ్ చేశారని.. ఆమెతో ఎప్పటికైనా తన సినిమా ఆడియో ఫంక్షన్ కి యాంకరింగ్ చేయించుకోవాలని ఉందని.. ఈరోజు ఆ కల నెరవేరిందని అన్నారు. సో శతమానం భవతి సినిమాకి ఆడియో ఫంక్షన్ కి యాంకరింగ్ చేసింది సుమ అనడంతో.. సుమ తెగ మురిసిపోతూ తాను కత్తి లాంటి ఫిగర్ ని అని ఇప్పటివరకు తెలియదని అనడం అందరికీ నవ్వు తెప్పించింది.
