Shakeela : ఆ షాట్ చూసి మా నాన్న‌కు హార్ట్ ఎటాక్ వ‌చ్చింది: ష‌కీలా

Shakeela : శృంగార తార షకీలా గురించి ప్ర‌త్యేకంగా ప‌రిచ‌యం చేయ‌న‌క్క‌ర్లేదు. ఒక‌ప్పుడు ఆమెకి ఉన్న పాపులారిటీ సినిమా హీరోల‌కు కూడా ఉండేది కాదు. షకీలా సినిమా అంటే స్టార్ హీరోలు సైతం తమ సినిమాలను వాయిదా వేసుకునేవారు. షకీలా అంత‌లా క్రేజ్‌ను సంపాదించుకున్నారు. షకీలా అభిమానుల చేత గుడులు కట్టించుకొని పూజలు కూడా చేయించుకున్నారు.

వ్యక్తిగత, వృత్తిపరమైన జీవితంలో ఎన్నో ఇబ్బందులు ఎదుర్కొన్న ష‌కీలా ప్రస్తుతం క్యారెక్టర్‌ ఆర్టిస్ట్‌గా పలు చిత్రాల్లో నటిస్తున్నారు. తాజాగా ఆమె సుమ వ్యాఖ్యాతగా వ్యవహరిస్తోన్న ‘క్యాష్‌’ గేమ్‌ షోలో సందడి చేశారు. జ్యోతి, సంపూర్ణేశ్‌ బాబు, అభినయశ్రీలతో కలిసి గేమ్ పాల్గొన్న ష‌కీలా త‌న గ‌తాన్ని గుర్తు చేసుకుంది.

తన తల్లిదండ్రుల గురించి మాట్లాడుతూ.. ”మా నాన్నకు నేనంటే ఎంతో ఇష్టం. చిన్నప్పుడు నన్ను ఎంతో ప్రేమగా చూసుకునేవారు. నా కష్టాలను ఆయన దగ్గరుండి చూశారు. ఓ సినిమా షూట్‌కు నాన్న నాతోపాటు సెట్‌కి వచ్చారు. ఓ షాట్‌లో నేను భ‌వ‌నంపై నుండి దూకాలి. డూప్స్ లేక‌పోవ‌డంతో నేను అలానే దూకేశాను. కాలు విరిగింది. అది చూసి మా నాన్న‌కు గుండెపోటు వ‌చ్చింది. అలాంటి యాక్షన్‌ తరహా సన్నివేశాలు చేయవద్దని నాన్న చెప్పారు.. అంటూ ష‌కీలా క‌న్నీరు పెట్టుకుంది. మిగ‌తా కంటెస్టెంట్స్ న‌వ్వులు పూయించారు.