Samantha : సమంత – సిద్ధార్థ్ నుంచి విడిపోవడానికి కారణం ఇదేనా ?

Samantha : ప్రస్తుతం టాలీవుడ్ ఇండస్ట్రీలో మోస్ట్ వాంటెడ్ హీరోయిన్ల లిస్టులో ఒకరైన అక్కినేని సమంత గురించి ప్రత్యేకంగా చెప్పాల్సిన పనిలేదు. దక్షిణాది సినిమా ఇండస్ట్రీలో అగ్ర కథానాయికగా కొనసాగుతున్న ఈమె పెళ్లి తర్వాత కూడా ఏమాత్రం సినిమా అవకాశాలను వదులుకోకుండా తనదైన శైలిలో దూసుకుపోతోంది. అయితే సమంత మొదట్లో హీరో సిద్ధార్థను ప్రేమించిందని, పెళ్లి కూడా చేసుకోబోతుందని.. వీరిద్దరి గురించి పెద్ద ఎత్తున వార్తలు వచ్చాయి. అదేవిధంగా ఏ కార్యక్రమానికి వెళ్లినా ఇద్దరూ కలిసి వెళ్లడంతో ఈ జంట పెద్ద ఎత్తున వార్తల్లో నిలిచింది.

ఇలా కొంతకాలం పాటు సమంత, సిద్ధార్థ ప్రేమలో ఉన్నారని, పెళ్లి చేసుకోబోతున్నారనే వార్తలు వచ్చినప్పటికీ కొన్ని వ్యక్తిగత కారణాల వల్ల సమంత.. సిద్ధార్థ్ కు దూరమయింది. ఈ క్రమంలోనే నాగచైతన్య తనకు పరిచయం కావడం, అతనితో ప్రేమలో పడటం, అతనిని పెళ్లి చేసుకుని వైవాహిక జీవితంలోకి అడుగు పెట్టి ఇన్ని రోజులు ఎంతో సంతోషంగా గడిపింది. సమంతా గత కొద్ది రోజుల క్రితం ఆహా యాప్ ద్వారా ప్రసారమైన సామ్ జామ్ కార్యక్రమంలో భాగంగా అతిథిగా హాజరైన సెలబ్రిటీతో తాను జీవితంలో ఎదుర్కొన్న కష్టాల గురించి పంచుకుంది.

ఏది ఏమైనప్పటికీ ఆ హీరోని పెళ్లి చేసుకుని ఉంటే తన జీవితం మరొక సావిత్రిలా అయ్యేదని ఎమోషనల్ అయ్యింది. ఈ క్రమంలోనే నాగచైతన్య తన జీవితంలోకి రావడం తన అదృష్టం అని సమంత చెప్పింది. ప్రస్తుతం విడాకులు తీసుకోబోతున్నట్లు వస్తున్న వార్త అభిమానులను తీవ్రంగా కలచి వేస్తోంది. అయితే ఇప్పటికీ సమంత తమ విడాకుల విషయంపై మౌనంగా ఉండటంతో అభిమానులు ఎంతో ఆందోళన చెందుతున్నారు.