Samantha Naga Chaithanya : అక్కినేని నాగచైతన్య, సమంత నాలుగేళ్ల వైవాహిక జీవితానికి ఎండ్ కార్డ్ పడింది. ఈ క్రమంలోనే గత కొద్ది రోజులుగా వీరి గురించి వస్తున్న వార్తలు నిజమంటూ నాగచైతన్య అధికారిక ప్రకటన చేశారు. సమంత, నాగచైతన్య కలిసి తీసుకున్న ఈ నిర్ణయం అభిమానులను ఎంతో ఆశ్చర్యానికి గురి చేసింది. ఇద్దరూ కలిసి నిర్ణయం తీసుకున్న తర్వాతే ఈ ప్రకటన చేశారు.
ఏడు సంవత్సరాలు ప్రేమించుకొని పెళ్లి చేసుకున్న ఈ జంట తమ వివాహ బంధానికి ముగింపు పలికారు. అయితే పలు మనస్పర్థల కారణంగా విడాకులు తీసుకున్న ఈ జంట కేవలం వారి వివాహ బంధానికి మాత్రమే ముగింపు పలికినట్టుగా తెలుస్తోంది. వారి మధ్య ఉన్న స్నేహ బంధాన్ని అలాగే కొనసాగిస్తారని ప్రకటించారు.
ఈ క్రమంలోనే వీరిద్దరూ విడాకులు తీసుకొని విడిపోతున్నారని అధికారికంగా ప్రకటించినప్పటికీ వీరి సోషల్ మీడియా ఖాతాలలో ఇద్దరూ కలిసి ఉన్న ఫోటోలు డిలీట్ చేయకుండా అలాగే ఉండటంతో వీరిద్దరూ ఫ్యూచర్ లో స్నేహ బంధంతో ఉండాలని భావించినట్లు అభిమానులు అభిప్రాయం వ్యక్తం చేస్తున్నారు. ఏది ఏమైనా విడాకులతో విడిపోయిన ఈ జంట స్నేహితులుగా కొనసాగుతారన్న వార్త అభిమానులకు కాస్త సంతోషాన్ని ఇస్తుందని చెప్పవచ్చు.
