RRR Movie : టాలీవుడ్ దర్శకధీరుడు రాజమౌళి డైరెక్టర్ గా, రామ్ చరణ్, ఎన్టీఆర్ హీరోలుగా నటిస్తున్న అత్యంత ప్రతిష్టాత్మక సినిమా ఆర్ఆర్ఆర్. ఈ సినిమాపై ఫస్ట్ నుండి ప్రేక్షకులు భారీ అంచనాలు పెట్టుకున్నారు. ఈ సినిమా గురించి మొదట్నుండీ ఏదో ఒక అప్‌డేట్‌ బయటకు వస్తూనే ఉంది. అలాగే అభిమానుల డౌట్స్ ని కూడా ఆర్ఆర్ఆర్ సినిమా టీమ్ ఎప్పటికప్పుడు క్లియర్ చేస్తూనే ఉన్నారు. స్వాతంత్య్ర సమరయోధులైన పాత్రల్లో రామ్ చరణ్, ఎన్టీఆర్ లు నటిస్తున్న విషయం తెలిసిందే.
ఇక రీసెంట్ గా రాజమౌళి సినిమా ప్రమోషన్స్ లో భాగంగా ఎప్పటికప్పుడు ఆర్ఆర్ఆర్ గురించి సమాచారం తెలియజేస్తూనే ఉన్నారు. ఈ క్రమంలో ఓ నెటిజన్ అడిగిన డౌట్ కి ఆర్ఆర్ఆర్ సినిమా టీమ్ ఇచ్చిన రిప్లై ఇప్పుడు సోషల్ మీడియాలో వైరల్ అవుతోది.
ఈ డౌట్ ప్రకారం.. 1920 లో ఇంటి నుండి వెళ్ళిపోయి రెండేళ్ళ తర్వాత మళ్ళీ తిరిగి ఇంటికి చేరుకున్నారని, కాబట్టి ఈ రెండేళ్ళల్లో ఏం జరిగిందో మనకు తెలీదు కాబట్టి ఆ పార్ట్ ని ఫిక్షన్ గా తెరకెక్కించాలని.. కానీ మనకు తెలిసిన స్టోరీని కూడా మళ్ళీ సినిమాలో చూపిస్తున్నారా.. తెలిసిన స్టోరీనే మార్చి చూపిస్తున్నారా.. అనేది డౌట్.. అంటూ ఆ నెటిజన్ ప్రశ్నించారు.
ఈ ట్వీట్ కి రిప్లై ఇచ్చింది ఆర్ఆర్ఆర్ సినిమా టీమ్. ఈ ట్వీట్ లో.. ‘ ఓరీ మీ దుంపలు తెగ.. మీరెక్కడ దొరికారు రా.. డైరెక్టర్ రాజమౌళి ప్రెస్ మీట్ పెట్టి మరీ చెప్పారు కదా క్లియర్ గా.. మీకు తెలిసిన స్టోరీ ఏదీ కూడా ఆర్ఆర్ఆర్ సినిమాలో ఉండదు. మైండ్ లో నుండి అవ్వన్నీ తీసేసి హాయిగా సినిమాను ఎంజాయ్ చేయండి అన్నారు. ప్రస్తుతం ఈ ట్వీట్ కి భారీ ఎత్తున రెస్పాన్స్ వస్తోంది. ఇక ఆర్ఆర్ఆర్ సినిమా వచ్చే ఏడాది సంక్రాంతి స్పెషల్ గా ప్రేక్షకుల ముందుకు రానుంది.
Ori Mee Dumpalu Thega…. Meeerekkada Dorikaaru ra… Director press meet petti cheppaaru kada clear ga… Meeku thelisina story edi kudaa cinema lo undadu. Mind lo nunchi avanni theesesi enjoy the euphoria and film!!
— RRR Movie (@RRRMovie) November 10, 2021
