RRR సినిమా కోసం నటీనటులు తీసుకున్న పారితోషికం ఎంతో తెలుసా ?

RRR : దర్శక ధీరుడు ఎస్ఎస్ రాజమౌళి దర్శకత్వంలో డి.వి.వి.దానయ్య నిర్మాతగా ఎంతో ప్రతిష్టాత్మకంగా పాన్ ఇండియా స్థాయిలో తెరకెక్కిన చిత్రం RRR. ఈ సినిమా ఇప్పటికే విడుదల కావాల్సి ఉండగా కొన్ని కారణాల వల్ల వాయిదా పడుతూ ఈనెల 25వ తేదీన ప్రపంచ వ్యాప్తంగా విడుదల కావడానికి సిద్ధమైంది. ఈ క్రమంలోనే ఈ సినిమా ప్రమోషన్ కార్యక్రమాలను వేగవంతం చేస్తున్నారు. ఇక గత మూడు సంవత్సరాల నుంచి ఈ సినిమా కోసం ప్రతి ఒక్క నటి, నటుడు ఎంతో కష్టపడి పని చేశారు.

వీరి కష్టం మొత్తం ఇప్పటికే పలు రకాలుగా ప్రేక్షకులకు చూపించారు. ఇక ఈ సినిమాలో యంగ్ టైగర్ ఎన్టీఆర్, రామ్ చరణ్ తేజ్, ఆలియా భట్, నటి శ్రియ, అజయ్ దేవగన్ వంటి పలువురు స్టార్ సెలబ్రెటీలు కీలక పాత్రలలో నటించారు. ఈ సినిమాలో ఈ నటీనటులు తీసుకున్న రెమ్యునరేషన్ గురించి ప్రస్తుతం సోషల్ మీడియాలో వార్తలు వస్తున్నాయి. ఈ సినిమా కోసం ఎవరు ఎంత మొత్తంలో రెమ్యునరేషన్ తీసుకున్నారు.. అనే విషయానికి వస్తే..

డీవీవీ దానయ్య ఈ సినిమాను సుమారుగా రూ.350 కోట్ల భారీ బడ్జెట్ తో తెరకెక్కించారు. ఇక ఈ సినిమాలో కీలక పాత్రలలో నటించిన ఎన్టీఆర్, రామ్ చరణ్ ఇద్దరూ చెరో రూ.45 కోట్ల చొప్పున పారితోషికం తీసుకున్నట్లు తెలిసింది. ఇక సీత పాత్ర ద్వారా బాలీవుడ్ బ్యూటీ ఆలియా భట్‌ తెలుగు ప్రేక్షకులకు ఈ సినిమా ద్వారా పరిచయం కాబోతోంది. ఈ సినిమా కోసం ఆలియాభట్ ఏకంగా రూ.9 కోట్ల పారితోషికం తీసుకున్నట్లు సమాచారం. అజ‌య్ దేవ‌గ‌న్‌కు రూ.25 కోట్ల పారితోషికం ఇచ్చారని తెలుస్తోంది. దర్శకుడు రాజమౌళి మాత్రం ఈ సినిమా లాభాలలో 30 శాతం వాటాను తీసుకోనున్నట్లు తెలుస్తోంది.