Priyamani Bhama Kalapam Movie Review : ఒకప్పుడు టాప్ హీరోయిన్ గా ప్రియమణి వెండితెరపై వెలుగు వెలిగింది. అయితే వివాహం అయిన తరువాత ఈమె టీవీ షోలకే పరిమితం అయింది. అప్పుడప్పుడు సిరీస్లలో కూడా నటిస్తోంది. అలాగే ఈ మధ్య కొన్ని సినిమాల్లోనూ చేసింది. ఈక్రమంలోనే తాజాగా ఆమె నటించిన చిత్రం భామా కలాపం శుక్రవారం ఆహా ఓటీటీ యాప్ లో ప్రేక్షకుల ముందుకు వచ్చింది. మరి ఈ చిత్రం ఆకట్టుకుందా, లేదా.. అన్న వివరాలను ఇప్పుడు తెలుసుకుందామా..!
కథ..
అనుపమ (ప్రియమణి) ఒక యూట్యూబర్. ఎల్లప్పుడూ యూట్యూబ్ వీడియోలు చేస్తూ ఉంటుంది. ఈమెకు ఇతరుల జీవితాల్లో ఏం జరుగుతుందో తెలుసుకోవాలన్న కుతూహలం ఉంటుంది. దీంతో ఆమె ఒక రోజు తన పక్కింట్లో ఉన్న వారు గొడవపడుతుంటే వింటుంది. తరువాత ఒక రోజు ఆమె ఆ ఇంట్లోకి వెళ్లి అసలు సమస్య ఏంటి ? అని తెలుసుకోవాలని యత్నిస్తుంది. అయితే ఆమె ఒక హత్యా నేరంలో చిక్కుకుంటుంది. దీంతో ఆమెకు కొత్త సమస్యలు మొదలవుతాయి. ఇక ఒక గ్యాంగ్స్టర్ కూడా ఆమె వెంటపడుతుంటాడు. మరి హత్యకు గురైంది ఎవరు ? ఎవరు చేశారు ? గ్యాంగ్స్టర్ ఆమె వెంట ఎందుకు పడ్డాడు ? ఆమె ఈ సమస్యల నుంచి ఎలా తప్పించుకుంది ? అన్న వివరాలను తెలుసుకోవాలంటే.. ఈ సినిమాను చూడాల్సిందే.
ఇందులో కథ చాలా బాగుంది. సింపుల్ స్టోరీ లైన్ను ఎంచుకున్నారు. గృహిణిగా ప్రియమణి బాగానే చేసింది. ఆమె నటిగా మంచి గుర్తింపు తెచ్చుకుంది కనుక ఈ మూవీలోనూ తన పెర్ఫార్మెన్స్ ఏమాత్రం తగ్గకుండా చేసింది. అలాగే ఈ మూవీలోని ఇతర నటీనటులు కూడా తమ పాత్రల పరిధుల మేర బాగానే నటించారు. ఈ సినిమా కథ మొత్తం ఒక విలువైన గుడ్డు చుట్టూ తిరుగుతుంది. కనుక సినిమా ఇంట్రెస్టింగ్గానే ఉంటుంది.
అయితే సినిమా సెకండాఫ్లో సీరియస్నెస్ లోపించింది. దీంతో సినిమా తేలిపోయింది. ముఖ్యంగా హత్య కేసులో చిక్కుకున్న ప్రియమణి ప్రవర్తించే తీరు సరిగ్గా ఉండదు. అలాగే ప్రియమణి భర్త పాత్రకు పెద్దగా స్కోప్ లేదు. ఇక విలన్ యాక్టింగ్ కూడా కొద్దిగా ఓవర్ అయినట్లు అనిపిస్తుంది. అలాగే కొన్ని సిల్లీ, లాజిక్ లేని సీన్లు ఉన్నాయి.
మొత్తంగా చూస్తే భామా కలాపం ఒక మర్డర్ మిస్టరీని తలపిస్తుంది. ప్రియమణి నటన బాగుంది. కానీ కథను తెరపై సరిగ్గా చూపించలేకపోయారు. అయితే కొన్ని చోట్ల థ్రిల్లర్, మిస్టరీ అంశాలు ప్రేక్షకులను ఆకట్టుకుంటాయి. కనుక ఈ మూవీని ఒకసారి అయితే చూడవచ్చు.
టీ20 ప్రపంచ కప్ 2026 ట్రోఫీ సాధించిన అనంతరం యావత్ భారతదేశం సంతోషంలో మునిగిపోగా టీమిండియా ప్లేయర్లు తమ కుటుంబ…
కువైట్ నుంచి తాను సురక్షితంగా ఇండియాకు చేరుకున్నానని నటి ఊర్వశి రౌటేలా వెల్లడించింది. తాను ముంబైకి చేరుకున్నానని చెబుతూ ఆమె…
టీ20 వరల్డ్ కప్ 2026లో విజయం సాధించిన భారత క్రికెట్ జట్టుకు భారత క్రికెట్ నియంత్రణ మండలి (బీసీసీఐ) భారీ…
ప్రతి ఏడాదిలాగే ఈసారి కూడా ఆస్కార్ సందడి మొదలైంది. 2025 సంవత్సరానికి ఇచ్చే ఆస్కార్ అవార్డుల కార్యక్రమాన్ని ఈ నెల…
భారతదేశాన్ని తొలిసారి సందర్శించే ఎవరికైనా ఈ దేశంలోని ఆహార సంస్కృతి అద్భుతమైన అనుభూతిని కలిగిస్తుందని నటి ప్రియాంక చోప్రా అన్నారు.…
భారత జట్టు ఐసీసీ పురుషుల టీ20 ప్రపంచకప్ 2026ను గెలుచుకున్న అనంతరం క్రికెటర్ హార్దిక్ పాండ్యా వ్యక్తిగత జీవితం మరోసారి…
ఐకాన్ స్టార్ అల్లు అర్జున్ ఇటీవలే తన 15వ వివాహ వార్షికోత్సవం సందర్భంగా భార్య స్నేహా రెడ్డికి విలాసవంతమైన మెర్సిడెస్-బెంజ్…
ఇండియన్ ప్రీమియర్ లీగ్ (ఐపీఎల్) 19వ ఎడిషన్ మార్చి 28, 2026న ప్రారంభం కానుంది. ఈ తేదీని అధికారిక ప్రసార…