POCO C31 : పోకో నుంచి సి31 స్మార్ట్ ఫోన్‌.. ధ‌ర చాలా త‌క్కువ‌.. ఫీచ‌ర్లు అదిరిపోయాయి..!

POCO C31 : మొబైల్స్ త‌యారీదారు పోకో కొత్త‌గా పోకో సి31 పేరిట ఓ నూత‌న స్మార్ట్ ఫోన్‌ను భార‌త్‌లో విడుద‌ల చేసింది. అత్యంత త‌క్కువ ధ‌ర‌కు ఈ ఫోన్ ల‌భిస్తోంది. ఫీచ‌ర్లు మాత్రం అదిరిపోయాయి. ఈ ఫోన్‌లో 6.53 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన ఎల్‌సీడీ డిస్‌ప్లేను ఏర్పాటు చేశారు. దీనికి 1600 x 720 పిక్స‌ల్స్ స్క్రీన్ రిజ‌ల్యూషన్ ల‌భిస్తుంది.

ఈ ఫోన్‌లో మీడియాటెక్ హీలియో జి35 ప్రాసెస‌ర్‌ను అమ‌ర్చారు. 3 జీబీ ర్యామ్‌, 32 జీబీ స్టోరేజ్‌, 4జీబీ ర్యామ్‌, 64 జీబీ స్టోరేజ్ ఆప్ష‌న్ల‌లో ఈ ఫోన్ ల‌భిస్తోంది. మెమొరీని కార్డు ద్వారా 512 జీబీ వ‌ర‌కు పెంచుకోవ‌చ్చు. ఇందులో రెండు సిమ్‌ల‌ను, ఒక మైక్రో ఎస్‌డీ కార్డును వేసుకోవ‌చ్చు. హైబ్రిడ్ స్లాట్ కాదు. ఆండ్రాయిడ్ 10 ఆప‌రేటింగ్ సిస్ట‌మ్ ఇందులో ల‌భిస్తుంది.

ఈ ఫోన్‌లో వెనుక వైపు 13 మెగాపిక్స‌ల్ మెయిన్ కెమెరా ఉంది. దీనికి తోడుగా మ‌రో 2 మెగాపిక్స‌ల్ మాక్రో కెమెరా, 2 మెగాపిక్స‌ల్ డెప్త్ సెన్సార్‌ల‌ను ఏర్పాటు చేశారు. ముందు వైపు 5 మెగాపిక్స‌ల్ సెల్ఫీ కెమెరా ఉంది.

ఫింగ‌ర్ ప్రింట్ సెన్సార్‌ను ఈ ఫోన్‌కు వెనుక భాగంలో ఇచ్చారు. డ్యుయ‌ల్ 4జి వీవోఎల్‌టీఈ, బ్లూటూత్ 5.0, 5000 ఎంఏహెచ్ బ్యాట‌రీ, ఫాస్ట్ చార్జింగ్‌.. వంటి ఇత‌ర ఫీచ‌ర్లు కూడా ఈ ఫోన్‌లో ల‌భిస్తున్నాయి.

పోకో సి31 స్మార్ట్ ఫోన్ షాడో గ్రే, రాయ‌ల్ బ్లూ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 3జీబీ ర్యామ్‌, 32 జీబీ స్టోరేజ్ మోడ‌ల్ ధ‌ర రూ.8499 ఉండ‌గా, 4జీబీ ర్యామ్‌, 64 జీబీ స్టోరేజ్ మోడ‌ల్ ధ‌ర రూ.9499గా ఉంది. ఈ ఫోన్‌ను ఫ్లిప్‌కార్ట్‌లో అక్టోబ‌ర్ 2 నుంచి బిగ్ బిలియ‌న్ డేస్ సేల్‌లో భాగంగా విక్ర‌యిస్తారు. ఈ ఫోన్‌పై యాక్సిస్ బ్యాంక్‌, ఐసీఐసీఐ బ్యాంక్ కార్డుల‌తో 10 శాతం ఇన్‌స్టంట్ డిస్కౌంట్ పొంద‌వ‌చ్చు.