OTT : ప్రస్తుతం ఓటీటీ వేదిక ప్రభావం చాలా ఉంది. ప్రేక్షకులు కూడా ఈ వేదికనే ఎంచుకుంటున్నారు. థియేటర్ లో విడుదలైన కొత్త సినిమాలు అన్ని కొన్ని రోజులకే స్ట్రీమ్ అవుతున్నాయి. ఒకప్పుడు థియేటర్లో సినిమా విడుదలైతే దాదాపు 100 నుంచి 150 రోజుల వరకు ఆడి.. ఆ తర్వాత కొన్ని నెలల గ్యాప్ తో టీవీలోకి వచ్చేవి. కానీ ఇప్పుడు అలా లేదు. ఏ సినిమా అయినా విడుదలైన 5 వారాల్లోకే ఓటీటీలోకి వచ్చేస్తుంది. ఒకవేళ సినిమా ఫ్లాప్ అయితే మాత్రం 2 నుంచి 3 వారాల్లోనే స్ట్రీమ్ అవుతాయి.
ఇప్పటికే అమెజాన్ ప్రైమ్, నెట్ ఫ్లిక్స్, ఆహా, డిస్నీ హాట్ స్టార్, జీ5, సోనీ లివ్, వూట్ లాంటి ఓటీటీలు థియేట్రికల్ రిలీజ్ అయినా లేక డైరెక్ట్ సినిమాలు ఓటీటీ రిలీజ్ కి రెడీగా ఉంటున్నాయి. ఈ వారంలో ఓటీటీ పలు టాప్ సినిమాలు విడుదలవుతున్నాయి. ఆ సినిమాలు ఏంటంటే.. ఝాన్సీ: ఈ మూవీలో అంజలి, చాందిని చౌదరి కథానాయికలుగా నటించారు. దీన్ని యాక్షన్ థ్రిల్లర్‌గా తెరకెక్కించారు. ఇది ఈ నెల 27 నుంచి డిస్నీ+ హాట్‌స్టార్ స్ట్రీమింగ్ కానుంది.
ఘోస్ట్: నాగార్జున ది ఘోస్ట్ బాక్సాఫీస్ వద్ద డిజాస్టర్‌గా నిలిచింది. దీంతో ఈ చిత్రం నెట్‌ఫ్లిక్స్‌లో నవంబర్ 2వ తేదీ నుంచి ప్రసారం కానుంది. ఇండియన్ ప్రిడేటర్: ఇది నెట్‌ఫ్లిక్స్ ఒరిజినల్ క్రైమ్ డ్రామా కోర్టు గదిలో జరిగిన హత్య చుట్టూ తిరుగుతుంది. వాస్తవ సంఘటనల ఆధారంగా దీన్ని రూపొందించారు. అక్టోబర్ 28 నుంచి నెట్‌ఫ్లిక్స్‌లో స్ట్రీమింగ్ కానుంది. ఇన్‌సైడ్ మ్యాన్: నెట్‌ఫ్లిక్స్ ఒరిజినల్ షోలో డేవిడ్ టెన్నాంట్, స్టాన్లీ టుక్సీ ప్రధాన పాత్రల్లో నటించారు. ఇది అక్టోబర్ 31 నుండి ఓటీటీ ప్లాట్‌ఫారమ్‌లో ప్రసారం అవుతుంది.
