కన్నడ బుల్లితెర నటి, శాండిల్ వుడ్ బుల్లితెర హీరోపై సంచలన ఆరోపణలు చేశారు. వీరిద్దరూ కొన్ని రోజుల క్రితం సోషల్ మీడియాలో పరిచయం అయ్యారని, తనకు హీరోయిన్ గా అవకాశాలు ఇప్పిస్తానని నమ్మించారని, దాంతో తనపై అత్యాచారం చేసినట్లుగా పేర్కొన్నారు. ఆ ఘటన తర్వాత చాలాసార్లు ఆమె ఇంటికి వచ్చి తనపై బలవంతంగా అఘాయిత్యం చేసినట్లు తెలిపారు. అలా పెళ్ళికి ముందు చాలాసార్లు ఆమెను బలవంతం చేసినట్లు తెలిపింది.
పెళ్ళి చేసుకుంటానని మాట ఇచ్చి.. ఆ తర్వాత ఎన్నో సార్లు పెళ్ళి గురించి అడిగితే తప్పించుకునేవారు. ఆమె స్నేహితులు, బంధువులు ఆ హీరోని ఒత్తిడి చేయడంతో ఓ గుడిలో పెళ్ళి చేసుకోవడానికి ఒప్పుకున్నారట. ఆ తర్వాత కూడా ఆమె భర్త, అత్తింటివాళ్ళు, బంధువులు విపరీతంగా హింసించి టార్చర్ చేశారని తెలిపింది. కట్నం తేవాలని ఒత్తిడి చేస్తూ.. ఆమె కులం గురించి తక్కువ చేసి మాట్లాడేవారట.
ఇక ఆమె ఈ వేధింపులను భరించలేక బసవనగుడి మహిళా పోలీస్ స్టేషన్ లో ఫిర్యాదు చేయడంతో ఈ విషయం బయటకు వచ్చింది. పోలీస్ కంప్లైంట్ తో ఆమె తన భర్త, అత్తమామలకు దూరంగా ఉంటున్నట్లు సమాచారం. రీసెంట్ గా ఈ నటి ఓ రియాలిటీ షోలో పార్టిసిపేట్ చేసింది. అయితే ప్రస్తుతం ఈమె భర్త సీరియల్స్ లో హీరోగా నటిస్తున్నారు.
