Nagarjuna : ఆ విషయంలో టెన్షన్ పడుతున్న నాగార్జున.. అక్కినేని కుటుంబంలో ఏం జరుగుతోంది ?

Nagarjuna : టాలీవుడ్ ఇండస్ట్రీలో స్టార్ హీరో కుటుంబంగా ఎంతో మంచి పేరు సంపాదించుకున్న అక్కినేని కుటుంబం గురించి ప్రత్యేకంగా చెప్పాల్సిన పనిలేదు. అక్కినేని నాగార్జున 60 సంవత్సరాల వయస్సు దాటినా ప్రస్తుతం వరుస సినిమాలతో ఎంతో బిజీగా ఉన్నారు. అయితే ఈయన వరుస సినిమాల్లో నటిస్తున్నప్పటికీ తన కంటూ ఒక హిట్ సినిమాని దక్కించుకోలేకపోతున్నారు.

ఇక గత కొద్ది సంవత్సరాల నుంచి నాగార్జునకు బ్యాడ్ టైం నడుస్తుందనే చెప్పాలి. నాగార్జున నటించిన సోగ్గాడే చిన్నినాయన సినిమా తర్వాత ఆయన నటించిన ఎలాంటి చిత్రాలూ బాక్సాఫీస్ వద్ద సందడి చేయలేదు. అదేవిధంగా తన పెద్ద కొడుకు నాగచైతన్య విడాకుల విషయంతో నాగార్జున కుటుంబం మరికొన్ని చిక్కుల్లో పడింది. ఇదిలా ఉండగా తాజాగా సోగ్గాడే చిన్ని నాయన ప్రీక్వెల్ చిత్రంగా బంగార్రాజు అనే చిత్రాన్ని తెరకెక్కిస్తున్న సంగతి తెలిసిందే.

అయితే ఈ చిత్రాన్ని జీ స్టూడియోస్ తో కలిసి నాగార్జున అన్నపూర్ణ బ్యానర్ పై నిర్మిస్తున్నారు. అయితే ఈ సినిమా అనుకున్న దాని కన్నా అధిక బడ్జెట్ అవడంతో నాగార్జున ఎంతో కంగారు పడుతున్నట్లు తెలుస్తోంది. అసలే గత కొన్ని సంవత్సరాల నుంచి హిట్లు లేక సతమతమవుతున్న నాగార్జున ప్రస్తుతం ఈ సినిమాకు అధిక బడ్జెట్ కావడంతో ఈ సినిమా విజయం సాధిస్తుందా.. లేదా.. అని టెన్షన్ పడుతున్నట్లు సమాచారం. ఇక ఇందులో నాగార్జున సరసన రమ్యకృష్ణ నటించగా నాగచైతన్య సరసన కృతి శెట్టి నటిస్తోంది.