Naga Chaitanya : ఇంట్రెస్టింగ్‌.. ఒకే లొకేష‌న్‌లో నాగ చైత‌న్య‌, స‌మంత షూటింగ్‌..!

Naga Chaitanya : టాలీవుడ్ మోస్ట్ ల‌వ‌బుల్ క‌పుల్ అంటే నాగ చైత‌న్య‌, స‌మంత ఠ‌క్కున గుర్తొచ్చే వారు. అక్టోబ‌ర్ 2న ఈ జంట విడిపోతున్న‌ట్టు తమ సోష‌ల్ మీడియా ద్వారా తెలియ‌జేశారు. ఇది ఫ్యాన్స్‌ని ఎంత‌గా బాధించిందో ప్ర‌త్యేకంగా చెప్ప‌న‌క్క‌ర్లేదు. విడిపోయిన ద‌గ్గ‌ర నుండి స‌మంత‌- చై మాట్లాడుకున్న‌ది లేదు, క‌లిసింది లేదు. కనీసం అకేష‌న్స్ రోజు కూడా విషెస్ చెప్పుకోలేదు. ఇన్నాళ్లూ అన్యోన్యంగా ఉన్న ఈ జంట ప్ర‌స్తుతం బ‌ద్ధ శ‌త్రువులుగా మారిన‌ట్టు క‌నిపిస్తోంది.

అయితే చాలా రోజుల తర్వాత నాగ చైత‌న్య‌- స‌మంత ఒకే లొకేష‌న్‌లో షూటింగ్ చేయడం ప్రాధాన్య‌తను సంత‌రించుకుంది. చైతన్య న‌టిస్తున్న బంగార్రాజు షూటింగ్ రామానాయుడు స్టూడియోలో జ‌రుపుకుంటుండ‌గా, స‌మంత న‌టిస్తున్న య‌శోద కూడా రామానాయుడు స్టూడియోలోనే షూటింగ్ జ‌రుపుకుంటోంది. నేటితో బంగార్రాజు చిత్రానికి ప్యాక‌ప్ చెప్పాడు చైతూ. ఈ విష‌యాన్ని నాగ్ త‌న సోష‌ల్ మీడియా ద్వారా వెల్ల‌డించారు.

అయితే ఒకే లొకేష‌న్‌లో షూటింగ్ చేస్తున్న చైతూ- సామ్‌లు క‌లిశారా, మాట్లాడుకున్నారా అనేది మాత్రం స‌స్పెన్స్ గా మారింది. కాగా ఇటీవల అల్లు అర్జున్ నటించిన పుష్ప సినిమాలో స్పెషల్ సాంగ్‏లో నటించి అదుర్స్ అనిపించింది సమంత.

తొలిసారి స్పెషల్ సాంగ్ చేసిన సామ్.. తన స్టెప్పులతో.. కిల్లింగ్ ఎక్స్‏ప్రెషన్స్‏తో ప్రేక్షకులను ఆకట్టుకుంది. ప్రస్తుతం యశోద సినిమా చేస్తోంది. ఇక చైతూ ఇటీవలే ‘లవ్ స్టోరీ’ సినిమాతో బాక్సాఫీస్ వద్ద భారీ విజయం అందుకున్నాడు. తండ్రి నాగార్జునతో కలిసి ‘బంగార్రాజు’ సినిమాలో నటిస్తూనే, విక్రమ్ కుమార్ దర్శకత్వంలో ‘థాంక్యూ’ మూవీ చేస్తున్నాడు.