Flipkart : ఫ్లిప్‌కార్ట్‌లో క్రిస్మ‌స్ సంద‌ర్భంగా జింగిల్ డేస్ సేల్‌.. భారీ త‌గ్గింపు ధ‌ర‌ల‌కు టీవీలు..!

Flipkart : ప్ర‌ముఖ ఈ-కామ‌ర్స్ సంస్థ ఫ్లిప్‌కార్ట్ క్రిస్మ‌స్ సంద‌ర్భంగా త‌న సైట్‌లో జింగిల్ డేస్ పేరిట‌ ఓ సేల్‌ను నిర్వ‌హించ‌నుంది. ఈ సేల్ డిసెంబ‌ర్ 25న ప్రారంభం కానుండ‌గా.. 29వ తేదీన ముగియ‌నుంది. ఇందులో భాగంగా టీవీల‌పై భారీ త‌గ్గింపు ధ‌ర‌ల‌ను అందివ్వ‌నుంది.

ఈ సేల్‌లో భాగంగా Blaupunkt అనే కంపెనీకి చెందిన స్మార్ట్ టీవీల‌ను ఏకంగా 30 శాతం డిస్కౌంట్‌కు విక్ర‌యించ‌నున్నారు. 32 ఇంచులు మొద‌లుకొని 65 ఇంచుల సైజ్ ఉన్న టీవీల‌కు ఈ ఆఫ‌ర్ వ‌ర్తిస్తుంది. అలాగే ఎస్‌బీఐ క్రెడిట్ కార్డుల‌తో అయితే మ‌రో 10 శాతం అద‌న‌పు డిస్కౌంట్ ల‌భిస్తుంది. పాత టీవీల‌ను ఎక్స్‌ఛేంజ్ చేస్తే రూ.11వేల వ‌ర‌కు ఇస్తారు.

Blaupunkt కంపెనీకి చెందిన సైబ‌ర్ సౌండ్ మోడ‌ల్ 32 ఇంచుల టీవీ ధ‌ర రూ.13,499 ఉండగా.. ఇందులో హెచ్‌డీ డిస్‌ప్లే, 40 వాట్ల స్పీక‌ర్ అవుట్ పుట్ ఫీచ‌ర్ల‌ను అందిస్తున్నారు. అలాగే ఇదే కంపెనీకి చెందిన 42 ఇంచుల మోడ‌ల్ ధ‌ర రూ.20,999 గా ఉంది.

Blaupunkt కు చెందిన 43 ఇంచుల అల్ట్రా హెచ్‌డీ మోడ‌ల్ టీవీ ధ‌ర రూ.27,999 గా ఉంది. 50 ఇంచుల టీవీ ధ‌ర రూ.34,999, 55 ఇంచుల టీవీ ధ‌ర రూ.39,999, 65 ఇంచుల టీవీ ధ‌ర రూ.54,999 గా ఉంది. వీటిలో డాల్బీ అట్మోస్ ఫీచ‌ర్ ను కూడా అందిస్తున్నారు.