OTT : ఈ వారం ఓటీటీల్లో అలరించనున్న చిత్రాలు ఇవే..!

OTT : వారం వారం ఓటీటీల్లో ప్రస్తుతం కొత్త సినిమాలు, సిరీస్‌లు సందడి చేస్తున్నాయి. థియేటర్ల కన్నా ఓటీటీల్లో సినిమాలను చూసేందుకే ప్రేక్షకులు ఎక్కువగా ఆసక్తిని చూపిస్తున్నారు. దీంతో బాక్సాఫీస్‌ వద్ద పాజిటివ్‌ టాక్‌ వచ్చినప్పటికీ సినిమాలకు వసూళ్లు మాత్రం రావడం లేదు. ప్రేక్షకులు లేక అనేక చోట్ల థియేటర్లకు భారీ ఎత్తున నష్టాలు వస్తున్నాయి. అయితే ఇది ఎంత కాలం ఉంటుందో తెలియదు కానీ.. ప్రస్తుతం ఓటీటీల హవా నడుస్తుందని చెప్పవచ్చు. ఇక ఈ వారం కూడా పలు సినిమాలు ప్రేక్షకులను అలరించేందుకు సిద్ధమవుతున్నాయి. వాటి వివరాలను ఇప్పుడు తెలుసుకుందాం.

మళయాళం స్టార్‌ నటుడు పృథ్విరాజ్‌ సుకుమారన్‌ నటించిన మళయాళం మూవీ కడువ బాక్సాఫీస్‌ వద్ద ఘన విజయం సాధించింది. ఇక ఈ మూవీ అమెజాన్‌ ప్రైమ్‌ వీడియోలో ఆగస్టు 4వ తేదీన స్ట్రీమ్‌ కానుంది. యాక్షన్‌ థ్రిల్లర్‌గా ఈ మూవీని తెరకెక్కించారు. అలాగే ఆలియా భట్‌ నటించిన డార్లింగ్స్ అనే మూవీ నేరుగా ఓటీటీలోనే రిలీజ్‌ అవుతోంది. కామెడీ డ్రామాగా తెరకెక్కించిన ఈ మూవీని నెట్ ఫ్లిక్స్ లో నేరుగా రిలీజ్‌ చేయనున్నారు. ఆగస్టు 4వ తేదీనే ఈ మూవీ కూడా విడుదల కానుంది.

గోపీ చంద్‌, రాశిఖన్నా ప్రధాన పాత్రల్లో వచ్చిన పక్కా కమర్షియల్‌ బాక్సాఫీస్‌ వద్ద పాజిటివ్‌ టాక్‌ను సాధించినా.. కలెక్షన్లు మాత్రం రాలేదు. ఇక ఈ మూవీ ఈ వారం ఓటీటీలోకి రానుంది. ఆహా వీడియోతోపాటు నెట్‌ ఫ్లిక్స్‌ లో ఈ మూవీని ఆగస్టు 5వ తేదీన రిలీజ్‌ చేయనున్నారు. అలాగే ది శాండ్‌ మాన్‌ అనే ఇంగ్లిష్‌ సిరీస్‌ సైతం నెట్‌ ఫ్లిక్స్‌లో ఈ వారమే స్ట్రీమ్‌ కానుంది. సై-ఫై యాక్షన్‌ థ్రిల్లర్‌గా తెరకెక్కిన ఈ సిరీస్‌ను ఆగస్టు 5 నుంచి స్ట్రీమ్‌ చేయనున్నారు. ఇలా పలు సినిమాలు, సిరీస్‌లు ఈ వారం ఓటీటీల్లో సందడి చేయనున్నాయి.