Most Eligible Bachelor : అక్కినేని మూడో తరం వారసుడు అఖిల్ కొన్నేళ్లుగా హిట్ కొసం ఎంతో ఆశగా ఎదురు చూస్తున్నాడు. 2015లో అఖిల్ సినిమాతో హీరో అయ్యాడు అక్కినేని వారసుడు. భారీ అంచనాలతో విడుదలైన ఈ చిత్రం దారుణంగా విఫలమైంది. ఆ తర్వాత రెండేళ్లకు హలో సినిమాతో పలకరించాడు. అదీ బెడిసి కొట్టింది. ఇక మూడో సినిమా మిస్టర్ మజ్ను పరిస్థితి కూడా అంతే. యావరేజ్ టాక్ వచ్చిన ఈ చిత్రం దారుణంగా నిరాశ పరిచింది.
హ్యాట్రిక్ ఫ్లాపుల తర్వాత హిట్ కోసం ఆశగా ఎదురు చూస్తున్న అఖిల్.. 15 ఏళ్లుగా హిట్ లేని బొమ్మరిల్లు భాస్కర్తో కలసి మోస్ట్ ఎలిజిబుల్ బ్యాచిలర్ అనే చిత్రాన్ని చేశాడు. అక్టోబర్ 15న విడుదలైన ఈ సినిమాకు మొదటి రోజు నుంచే మంచి టాక్ వచ్చింది. తాజాగా ఈ సినిమా రూ.50 కోట్ల క్లబ్లో చేరింది. అఖిల్ కెరీర్లో మొదటి రూ.50 కోట్ల సినిమా ఇదే కావడం విశేషం.
డిఫరెంట్ కాన్సెప్ట్తో తెరకెక్కిన ఈ సినిమా కుటుంబ ప్రేక్షకులతోపాటు యువతకు కూడా ఎంతో బాగా నచ్చింది. అఖిల్ అక్కినేని, పూజా హెగ్డే కెమిస్ట్రీకి తోడు గోపీ సుందర్ మ్యూజిక్ సినిమాకు ప్రాణంగా నిలిచింది. గీతా ఆర్ట్స్ 2 పిక్చర్స్ బ్యానర్ పై బన్నీ వాస్, వాసు వర్మ మోస్ట్ ఎలిజిబుల్ బ్యాచిలర్ చిత్రాన్ని నిర్మించారు.
వినోదంతోపాటు చక్కటి సందేశం కూడా ఈ సినిమాలో ఉందని దర్శక నిర్మాతలు చెప్పిన మాట నూటికి నూరుపాళ్ళు నిజమైంది. గోపీ సుందర్ మ్యూజిక్ సినిమాకు ప్రాణంగా నిలిచింది. ముఖ్యంగా లెహరాయి పాట యూట్యూబ్ లో 25 మిలియన్ వ్యూస్ ను అందుకుంది.
స్పందించండి