Micromax IN Note 2 : ఆక‌ట్టుకునే ఫీచ‌ర్ల‌తో విడుద‌లైన మైక్రోమ్యాక్స్ ఇన్ నోట్ 2 స్మార్ట్ ఫోన్‌.. ధ‌ర‌, ఫీచ‌ర్ల వివ‌రాలు..!

Micromax IN Note 2 : మొబైల్స్ త‌యారీదారు మైక్రోమ్యాక్స్.. ఇన్ నోట్ 2 (IN Note 2) పేరిట ఓ నూత‌న స్మార్ట్ ఫోన్‌ను భార‌త్‌లో విడుద‌ల చేసింది. ఇన్ నోట్ 1కు కొన‌సాగింపుగా ఈ ఫోన్‌ను లాంచ్ చేశారు. ఇందులో 6.43 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన అమోలెడ్ డిస్‌ప్లేను ఏర్పాటు చేశారు. ముందు వైపు 16 మెగాపిక్స‌ల్ పంచ్ హోల్ కెమెరా ఉంది. ఈ ఫోన్‌లో మీడియాటెక్ హీలియో జి95 ప్రాసెస‌ర్‌ను ఏర్పాటు చేశారు. 4జీబీ ర్యామ్ ల‌భిస్తుంది. ఆండ్రాయిడ్ 11 ఆప‌రేటింగ్ సిస్ట‌మ్‌ను అందిస్తున్నారు. దీనికి ఆండ్రాయిడ్ 12 అప్‌డేట్‌ను కూడా అందిస్తామ‌ని కంపెనీ తెలియ‌జేసింది.

ఈ ఫోన్ వెనుక వైపు ప్లాస్టిక్ ఫినిషింగ్ ఉంది. కానీ గ్లాస్ మాదిరిగా క‌నిపిస్తుంది. ఫింగర్ ప్రింట్ సెన్సార్ ను ప‌క్క వైపున ఇచ్చారు. వెనుక వైపు 48 మెగాపిక్స‌ల్ మెయిన్ కెమెరా ఉండ‌గా.. మ‌రో 2 మెగాపిక్స‌ల్ డెప్త్ సెన్సార్‌, 2 మెగాపిక్స‌ల్ మాక్రో సెన్సార్‌ల‌ను ఏర్పాటు చేశారు. ఈ ఫోన్‌లో 5000 ఎంఏహెచ్ కెపాసిటీ ఉన్న బ్యాట‌రీని అమ‌ర్చారు. దీనికి ఫాస్ట్ చార్జింగ్ స‌పోర్ట్ ల‌భిస్తోంది. దీని వ‌ల్ల కేవ‌లం 25 నిమిషాల్లోనే ఫోన్ చార్జింగ్ 50 శాతం వ‌ర‌కు పూర్త‌వుతుంది.

మైక్రోమ్యాక్స్ ఇన్ నోట్ 2 స్పెసిఫికేష‌న్స్

• 6.43 ఇంచుల ఫుల్ హెచ్‌డీ ప్ల‌స్ అమోలెడ్ డిస్‌ప్లే, 2400 × 1080 పిక్స‌ల్స్ స్క్రీన్ రిజ‌ల్యూష‌న్
• గొరిల్లా గ్లాస్ ప్రొటెక్ష‌న్‌, ఆక్టాకోర్ మీడియాటెక్ హీలియో జి95 ప్రాసెస‌ర్‌, 4జీబీ ర్యామ్
• 64జీబీ స్టోరేజ్‌, 256 జీబీ ఎక్స్‌పాండ‌బుల్ స్టోరేజ్‌, డ్యుయ‌ల్ సిమ్‌, ఆండ్రాయిడ్ 11
• అప్‌గ్రేడ‌బుల్ టు ఆండ్రాయిడ్ 12 ఓఎస్‌, 48, 5, 2, 2 మెగాపిక్స‌ల్ బ్యాక్ కెమెరాలు
• 16 మెగాపిక్స‌ల్ సెల్ఫీ కెమెరా, సైడ్ మౌంటెడ్ ఫింగ‌ర్ ప్రింట్ సెన్సార్
• డ్యుయ‌ల్ 4జీ వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.0
• యూఎస్‌బీ టైప్ సి, 5000 ఎంఏహెచ్ బ్యాట‌రీ, ఫాస్ట్ చార్జింగ్

మైక్రోమ్యాక్స్ ఇన్ నోట్ 2 స్మార్ట్ ఫోన్ బ్లాక్‌, ఓక్ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్ ధ‌ర రూ.13,490 ఉండ‌గా.. లాంచింగ్ ఆఫ‌ర్ కింద ఈ నెల 30వ తేదీ వ‌ర‌కు రూ.12,490కే విక్ర‌యించ‌నున్నారు. ఫ్లిప్ కార్ట్‌లో ఈ ఫోన్‌ను కొనుగోలు చేయ‌వ‌చ్చు.