Manchu Lakshmi : మంచు లక్ష్మి సోషల్ మీడియా వేదికగా ఏ విధమైన పోస్ట్ చేసినా అది తీవ్రస్థాయిలో వైరల్ అవుతుంటుంది. ఈ క్రమంలోనే నెటిజన్ల నుంచి మంచు లక్ష్మి ఎన్నో నెగిటివ్ కామెంట్లను ఎదుర్కోవాల్సి వస్తుంటుంది. తాజాగా జరిగిన మా అధ్యక్ష ఎన్నికలలో భాగంగా మంచు విష్ణు గెలుపొందిన సంగతి తెలిసిందే. మంచు విష్ణు మా అధ్యక్షుడిగా గెలుపొంది ప్రమాణస్వీకారం చేస్తున్న సమయంలో ఆయనకి శుభాకాంక్షలు తెలియజేస్తూ మంచు లక్ష్మి ట్విట్టర్ ద్వారా స్పందించింది.
ఈరోజు మా కుటుంబానికి ఎంతో శుభదినం.. మా తమ్ముడు మా అధ్యక్షుడిగా ప్రమాణస్వీకారం చేస్తున్న నేపథ్యంలో అతనికి శుభాకాంక్షలు.. అధ్యక్షుడిగా నువ్వు ఈ ప్రపంచాన్ని మార్చడానికి ఈ రోజు నుంచి పని చేస్తున్నావు.. ఆల్ ది బెస్ట్.. అంటూ చేసిన ట్వీట్ ప్రస్తుతం వైరల్ గా మారింది.
ఈ ట్వీట్ చూసిన నెటిజన్లు మా అధ్యక్షుడు ప్రపంచాన్ని ఎలా మార్చగలడు అంటూ పెద్ద ఎత్తున కామెంట్లు చేశారు. ఈ కామెంట్స్ చూసిన మంచు లక్ష్మి తనదైన శైలిలో కౌంటర్ ఇచ్చింది. ఇక చాలు ఆపండి.. ఎప్పుడు అవకాశం దొరుకుతుందా.. ఎవరిని కామెంట్ చేద్దామా.. అని ఎదురుచూస్తుంటారు. సినిమా వాళ్లకు మా ఒక ప్రపంచం. అందులో మార్పు తీసుకురావాలని చెప్పడమే నా ఉద్దేశం. అర్థం చేసుకోండి.. అంటూ నెటిజన్లపై ఆగ్రహం వ్యక్తం చేసింది.
