Chai Business : ప్రస్తుతం ఉన్న పరిస్థితుల్లో ఉద్యోగాలు దొరకడం ఎంత కష్టంగా మారిందో అందరికీ తెలిసిందే. కరోనా కారణంగా చాలా మంది ఉద్యోగాలను కోల్పోయారు. ఎంతో మంది ఉపాధి లేక అవస్థలు పడుతున్నారు. అయితే కరోనా సమయంలోనే అతను బంగారం లాంటి సాఫ్ట్వేర్ జాబ్ను వదులుకున్నాడు. అయినప్పటికీ దిగులు చెందలేదు. నెమ్మదిగా చాయ్ బిజినెస్ ను ప్రారంభించాడు. దీంతో ఇప్పుడతను నెల నెలా లక్షల రూపాయలను సంపాదిస్తున్నాడు. అతనే.. మహారాష్ట్రకు చెందిన గణేష్ దుధ్నలె.
గణేష్ 2019లో కంప్యూటర్ సైన్స్ ఇంజినీరింగ్ చదివాడు. ఓ కంపెనీలో జాబ్ కూడా వచ్చింది. అయితే అతనికి అది తృప్తిని ఇవ్వలేదు. దీంతో అతను ఏదైనా బిజినెస్ చేయాలని అనుకున్నాడు. వెంటనే తన తండ్రి నుంచి రూ.6 లక్షలు తీసుకుని తాము ఉంటున్న వాపి అనే ప్రాంతంలో ఉన్న రైల్వే స్టేషన్లో చిన్నగా చాయ్ షాప్ ప్రారంభించాడు. మసాలాలు, పండ్ల ఫ్లేవర్తో కూడిన చాయ్ని అతను అమ్మడం మొదలు పెట్టాడు. దీంతో అతని చాయ్కి మంచి ఆదరణ లభించింది. ఇలా అతను చాయ్ బిజినెస్ను విజయవంతంగా రన్ చేస్తున్న సమయంలో ప్రదీప్ జాదవ్ అనే ఇంకో యువకుడితో పరిచయం ఏర్పడింది. అతనితో కలిసి తన సంస్థను గణేష్ మరింత అభివృద్ధి చేశాడు.
అలా గణేష్ తన చాయ్ బిజినెస్ను సూరత్కు కూడా వ్యాపింపజేశాడు. ఈ క్రమంలోనే మహారాష్ట్ర, గుజరాత్ కలిపి ప్రస్తుతం అతను 7 ఔట్లెట్లను రన్ చేస్తున్నాడు. ఒక్కో దాంట్లో రోజుకు రూ.8వేలు లాభం వస్తుంది. అంటే ఒక ఔట్లెట్తోనే అతను నెలకు రూ. 2.40 లక్షలను సంపాదిస్తున్నాడన్నమాట. మొత్తం 7 ఔట్లెట్లకు కలిపి అతనికి నెలకు రూ.17 లక్షల వరకు ఆదాయం లభిస్తోంది. దీంతో అతను ఇక వెనుదిరిగి చూడలేదు. ఇక ఇప్పుడు అతని ముందున్న లక్ష్యం ఒక్కటే. దేశవ్యాప్తంగా తన చాయ్ బిజినెస్ను 1000 నగరాలకు విస్తరింపజేయాలని చూస్తున్నాడు. అందుకు గాను అతను పార్ట్నర్స్ కోసం చూస్తున్నాడు.
ఇక గణేష్ తన చాయ్ బిజినెస్ను చాయ్ మేకర్స్ పేరిట ఔట్లెట్ రూపంలో నడిపిస్తుండగా.. ప్రతి ఔట్ లెట్లోనూ 20 కి పైగా వెరైటీలకు చెందిన చాయ్లు.. 15 వెరైటీల కాఫీలను విక్రయిస్తున్నాడు. అతను విక్రయిస్తున్న చాయ్, కాఫీలకు విశేష రీతిలో ఆదరణ లభిస్తోంది. దీంతోపాటు మిల్క్షేక్స్, చల్లని డ్రింక్స్, కుకీస్ను కూడా విక్రయిస్తూ.. వ్యాపారంలో మంచి పేరు తెచ్చుకుంటున్నాడు. తనలాంటి ఎంతో మంది యువతకు అతను ప్రేరణగా నిలుస్తున్నాడు.
భారత్, శ్రీలంకలో ఫిబ్రవరి 7వ తేదీ నుంచి జరగనున్న టీ20 వరల్డ్కప్ 2026 జట్టులో తనకు చోటు దక్కకపోవడంపై భారత…
ప్రపంచ వ్యాప్తంగా ప్రస్తుతం హైబీపీ అందరినీ ఆందోళనకు గురి చేస్తోంది. చాలా మంది ఈ వ్యాధి బారిన పడుతున్నారు. కొందరికి…
UCO Bank Recruitment 2026 | యునైటెడ్ కమర్షియల్ బ్యాంక్ (యూసీఓ బ్యాంక్) 2026 సంవత్సరానికి భారీ నియామక ప్రకటనను…
QR Code On Aadhar | కేంద్ర, రాష్ట్ర ప్రయోజనాలను పొందడంతో పాటు దేశంలోని పౌరులకి ఆధార్ కార్డు అత్యంత…
బ్యాంకుల్లో ఉన్నత స్థానాల్లో ఉద్యోగం చేయాలని చూస్తున్నారా..? అయితే మీకు బ్యాంక్ ఆఫ్ బరోడా గొప్ప అవకాశాన్ని కల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిరపడాలని అనుకుంటున్న వారి కోసం యూనియన్ బ్యాంక్ ఆఫ్ ఇండియా శుభ వార్త చెప్పింది.…
పబ్లిక్ సెక్టార్కు చెందిన భారత్ ఎలక్ట్రానిక్స్ లిమిటెడ్ (BEL) పలు విభాగాల్లో ఖాళీగా ఉన్న పోస్టుల భర్తీకి గాను ఆసక్తి,…
దేశంలోని ప్రముఖ పబ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బరోడా ఆసక్తి, అర్హత ఉన్న అభ్యర్థుల నుంచి పలు…